Qoǵam • 14 Shilde, 2021

Bir orynǵa – úsh úmitker

69 ret kórsetildi

Batys Qazaqstan oblysynda 25 shilde kúni 31 aýyl ákimin halyq ózi saılap almaq. О́ńirdegi 12 aýdannyń 9-ynda saılaý ótedi.

Bul jóninde oblystyq saılaý komıssııasynyń tóraǵasy Ǵaısa Qapaqov habarlady. 

Saraptamaǵa qaraǵanda, 26 aýylda burynǵy ákimniń ókilettik merzimi aıaqtalǵandyqtan, saılaý ótse, 5 eldi mekenniń basshysy qyz­metinen erte ketip qalǵan. Endi bul oryndarǵa barlyǵy 93 úmit­ker talasyp otyr. Onyń ishin­de 40 úmitkerdi saıası partııa­lar usynsa, 53 úmitker ózin ózi usyn­ǵan eken.

«Orta eseppen bir orynǵa úsh úmitker básekeles bolyp otyr. Báıterek, Bórli, Jańaqala, Qaztalov aýdandarynyń jalpy sany 9 okrýginde bir laýazymǵa 4 úmit­ker tirkeldi. Al taǵy 9 aýylda ákim saılaýy tek qos úmitker­diń arasynda ótedi», dedi Ǵaısa Qa­paqov.

Aldaǵy saılaýda óz múshesin úmitker etip báıgege qosqan partııalar arasynda Nur Otan partııasy kósh bastap tur. Bul partııadan 25 úmitker báıgege túsedi. Odan basqa, saıası básekege «Aýyl» men ADAL partııalary – 5 úmitkerden, Halyqtyq partııa – 3 úmitker, «Aq jol» men «JSDP» 1 kandıdattan usynǵan.

Joǵaryda aıtylǵan 93 úmit­kerdiń 6-ýy ǵana – áıel. 45 úmitker qazirdiń ózinde memlekettik qyzmet atqaryp júrse, onyń 20-sy – ózi saılaýǵa túskeli otyrǵan okrýgte ákim bolǵan. Bulardyń bári de saılaýǵa partııa mandaty boıynsha túskeli otyr.

Saılaý dodasyna túskeli otyr­ǵan batysqazaqstandyq úmit­­kerlerdiń orta jasy – 41. Bórli aýdanynda 26 jastaǵy úmit­­ker tirkelgen, bul eń jas kan­dıdat. Al eń egde, ıaǵnı 60 jas­taǵy úmitker – Bókeı ordasy aýdanynda.

Aýyl ákimi laýazymynan úmitkerlerdiń 6-ýy – ekonomıst, 10-y – zańger eken.

60 úmitker ózi saılaýǵa tús­keli otyrǵan aýyldyq okrýgte, 27 úmitker aýdan ortalyǵynda turady.

«9 shildege deıin 82 kan­dı­dattyń qujatyn tekserip, zańǵa sáıkestigin anyqtadyq, bári de talapqa saı. Sonyń ishinde 66 adam úmitker retinde naqty tir­keldi», dedi Ǵaısa Qapaqov.

Aıta keteıik, saılaý­shy­lar­dyń sany jóninen 6671 daýys berýshi tirkelgen Terekti aýdanynyń Podstepnoe aýyly eń alda. Al Bórli aýdanynyń Qaraqudyq aýyldyq okrýginde nebári 180 saılaýshy bar eken. Aýdan ortalyǵynan eń shal­ǵaı jatqan eldi meken­der qa­tarynda Aqjaıyq aýda­nynyń Sarytoǵaı aýyly men Bókeı ordasy aýdanynyń Saral­jyn aýyly bar. Olar aýdan or­ta­lyǵynan 200 kılometr qa­shyqtyqta or­nalasqan. Sondaı-aq 10 eldi mekende saılaý bólimshesi joq, olardyń tańdaýyn anyqtaý úshin jyljymaly saılaý jáshigi uıymdastyrylmaq.

 

Batys Qazaqstan oblysy

 

Sońǵy jańalyqtar

Elordadaǵy JEO-3 bıyl iske qosylady

Elorda • Búgin, 11:10

Almatyda epıdahýal kúrdelenip barady

Koronavırýs • Búgin, 11:00

«Omıkronnyń» bastapqy belgileri qandaı?

Koronavırýs • Búgin, 10:50

Dúısenbige arnalǵan aýa raıy boljamy

Aýa raıy • Búgin, 09:25

«Sary» aımaqta Túrkistan oblysy tur

Koronavırýs • Búgin, 09:10

Oıyn-saýyq ortalyqtary jumysyn toqtatty

Koronavırýs • Búgin, 09:00

Jetisýda juqpaly indettiń ekpini qatty

Koronavırýs • Búgin, 08:57

Koronavırýs qaıta kúsheıdi

Koronavırýs • Búgin, 08:54

Ońtaılysy – onlaın oqý

Aımaqtar • Búgin, 08:53

Qyzmet túrleriniń tizbesin keńeıtti

Ekonomıka • Búgin, 08:50

Sapa artpaıynsha, sýbsıdııa joq

Aımaqtar • Búgin, 08:45

Koronavırýs qaıta órshidi

Álem • Búgin, 08:42

Antıbıotıkti orynsyz qoldaný qaýipti

Medısına • Búgin, 08:35

Vırýs juqtyrý azaımaı tur

Koronavırýs • Búgin, 08:30

Asyǵys sheshim

Qazaqstan • Búgin, 08:15

Kómek kórsetiledi

Qoǵam • Búgin, 08:10

Qor strategııasy ázirlenedi

Qazaqstan • Búgin, 08:00

Uqsas jańalyqtar