Bul týraly Reseıdiń tikeleı ınvestısııalar qorynda aıtyldy. Olar ónimdi tek Úndistannyń ózinde ǵana emes, sonymen qatar basqa memleketterge eksporttaýǵa jiberýdi josparlap otyr.
Úndistannyń Qan sarysýy ınstıtýty búginde «Kovıshıld» dep atalatyn «Oksford-Astrazeneka» vaksınasyn jasaýǵa qatysqan.
«Mundaı seriktestik «Spýtnıkti» álemde qoldanýdyń tamasha kórsetkishterin jańa deńgeıge shyǵarady. Bul – senimniń óte mańyzdy kórinisi. «Spýtnıktiń» keń kólemdegi óndirisi – bizdiń kovıdpen birlesken kúresimizdiń negizgi elementi», dedi Reseı tikeleı ınvestısııalar qorynyń bas dırektory Kırıll Dmıtrıev.
Úndistan osy jyldyń mamyr aıynan bastap «Spýtnıkti» óndirý boıynsha iri habqa aınaldy. Reseı tikeleı ınvestısııalar qory birneshe kompanııamen kelisimder jasasty.
«Spýtnık V» álemniń 60-tan astam elinde maquldanǵan, degenmen áý basta olardyń kóbisi vaksınany qoldanǵysy kelmegen. Reseıden tys 9 elde bul preparattyń óndirisi bastaldy. Osyǵan oraı, Reseı qorynyń basshylyǵy qyrkúıek-qazan aılarynda Dúnıejúzilik densaýlyq saqtaý uıymy «Spýtnık V» vaksınasyn tirkeýi múmkin degen úmit bildirdi.
Ázirge Dúnıejúzilik densaýlyq saqtaý uıymy da, eýropalyq retteýshi de reseılik vaksınany moıyndamaı otyr.
