QR Qarjylyq monıtorıng agenttigi usynǵan málimetteri boıynsha, qurylys jumystaryn josyqsyz júrgizgen kásipker kinásin tolyq moıyndap, urlanǵan qarajat somasyn ótep shyqty.
«Qarjy monıtorıngi agenttiginiń Shymkent qalasy boıynsha aýmaqtyq departamenti Juldyz turǵyn alabynda orta mektep salýǵa bólingen 5,5 mıllıon teńgeni jymqyrý faktisin anyqtady. Tergeý barysynda kásipker mektep qurylysy kezinde naqty oryndalmaǵan jumystar týraly jalǵan málimettermen esep bergip otyrǵany anyqtaldy», dep habarlady agenttikte.
Eńbekshi aýdandyq sotynyń úkimimen qylmysker úsh jylǵa bas bostandyǵynan aıyryldy.
«Qazirgi ýaqytta búkil el boıynsha jańa oqý jylyna daıyndyq barysynda bilim berý mekemelerinde qurylys jáne jóndeý jumystary belsendi júrgizilýde. Bul maqsattarǵa bıýdjetten qomaqty qarjy bólinip, onyń kólemi jyl saıyn artyp keledi. Al bilim berý nysandary - josyqsyz merdigerler úshin aqsha tabýdyń ońaı joly», dep tolyqtyrdy Qarjylyq monıtorıng agenttigi.
