Qashyqtyqtan ótken otyrysqa ortalyq memlekettik jáne jergilikti atqarýshy organdardyń, kvazımemlekettik sektordyń, úkimettik emes jáne basqa da uıymdardyń ókilderi qatysty.
Otyrys barysynda Ashyq úkimet portaldaryn jáne Memlekettik organdardyń ınternet-resýrstarynyń biryńǵaı platformasyn (MO IRBP) damytý, sondaı-aq memlekettik organdardyń Memlekettik apparattyń bıýrokratııalyǵyn tómendetý jónindegi jol kartasyn iske asyrýy týraly aqparat tyńdaldy.
Qabyldanyp jatqan sharalar men problemalyq máseleler, onyń ishinde memlekettik organdardyń «Ashyq derekter» portaldaryndaǵy jáne MO IRBP-daǵy resmı paraqshasyndaǵy aqparatty ýaqytyly ózektendirmeýi týraly Aqparat jáne qoǵamdyq damý vıse-mınıstri B.A. Tlepov baıandady.
О́z kezeginde Mınıstr «Aqparatqa qol jetkizý týraly» Zańǵa sáıkes barlyq memlekettik organdarda aqparatqa qol jetkizý máseleleri boıynsha anyqtalǵan ýákiletti tulǵalar osy máselelerdi baqylaýda ustaýy tıis ekenin atap ótti.
«Demek, olardyń tarapynan tıisti túrde monıtorıng, úılestirý jáne baqylaý júzege asyrylmaıdy. Búgin memlekettik organdar basshylarynyń nazaryn osyǵan aýdaramyn», dedi Aıda Balaeva.
Sonymen qatar Sıfrlyq damý, ınnovasııalar jáne aeroǵarysh ónerkásibi vıse-mınıstri A.N.Turysov óz sózinde «Ashyq úkimet» jáne MO IRBP portaldaryn odan ári damytý, olardy iske asyrý tetikteri boıynsha usynystar jasady.
О́z kezeginde, A. Balaeva memlekettik organdar ókilderiniń eskertýleri men qoǵamdyq syn Ashyq Úkimet pen MO IRBP portaldarynyń jumysyn dereý jetildirý qajettigin aıǵaqtap otyrǵanyn atap ótti. Sondaı-aq Mınıstr a.j. jeltoqsan aıynda Komıssııa otyrysynda SDIAО́M-men atqarylǵan jumystar týraly aqparatty tyńdaýdy usyndy.
Otyrys qorytyndysy boıynsha Komıssııa aqparattandyrý salasyndaǵy ýákiletti organǵa jáne memlekettik organdarǵa «Ashyq úkimet» portaldarymen, memlekettik organdardyń ınternet-resýrstarynyń biryńǵaı platformasymen jáne t.b. jumys sapasyn kúsheıtý bóliginde birqatar usynymdar ázirledi.
