Kásiporynnyń burynǵy basshysy Shýxrat Danbaı qyzmetinen bosatyldy.
Arman Qurmetuly Qaıyrdenov 1971 jyly Atyraýda dúnıege kelgen. Qazaq xımııa-texnologııa ınstıtýtyn bitirgen. Mamandyǵy - ınjener-xımık-texnolog. 2003 jyly Reseı Federasııasy úkimeti janyndaǵy Halyq sharýashylyǵy akademııasyn munaı bıznesi mamandyǵy boıynsha támamdady.
Eńbek jolyn 1993 jyly Atyraý munaı óńdeý zaýytynda texnologııalyq qurylǵy operatory bolyp bastady. Zaýytta túrli laýazymdarda 13 jyl jumys istedi.
Sondaı-aq, ár jyldary «QazMunaıGaz» UK AQ munaı óńdeý departamenti dırektorynyń orynbasary, bas dırektordyń orynbasary, Rompetrol Rafinare S.A. bas dırektory qyzmetterin atqardy.
2012-2013 jyldary «AMО́Z» JShS bas dırektory boldy.
2020 jyldyń shildesinen osy ýaqytqa deıin «QazMunaıGaz» UK AQ munaı jáne munaı-xımııa óńdeý departamentiniń dırektory bolyp jumys istedi.
Aıta keteıik, Memleket basshysy Qasym-Jomart Toqaev 10 shildede ótken úkimettiń keńeıtilgen otyrysynda Energetıka mınıstrligi men «Samuryq Qazyna» qoryna, sonyń ishinde, «QazMunaıGaz» kompanııasyna janar-jaǵar maı naryǵyna yqpal etetin munaı óńdeý zaýyttaryndaǵy ahýaldy qatań baqylaýǵa alýdy, sondaı-aq Úkimetke Qormen birlesip, Atyraý munaı óńdeý zaýytynyń jospardan tys toqtap qalýyna baılanysty jaǵdaıǵa kinálilerdi jaýapqa tartý jóninde sharalar qabyldaýdy tapsyrǵan bolatyn.
