Basqarma basshysynyń aıtýynsha, 2021 jyldyń 6 aıynda qalada dene shynyqtyrýmen jáne sportpen júıeli túrde shuǵyldanatyn azamattar sany 340305 adam nemese qala turǵyndarynyń jalpy sanynan 31,2 %-yn qurady.
Jyl basynan beri qala aýmaǵynda sport alańshalary joq turǵyn alaptar men shaǵynaýdandarda sport alańshalaryn salý úshin jalpy 115 jer telimi qarastyryldy. Ál-Farabı aýdanynda ornalasqan 7 jer telimge «Shymkent Plaza» saýda, oıyn-saýyq ortalyǵynyń demeýshiligimen sport alańshalarynyń qurylysyn júrgizý josparlanǵan. Qazirgi ýaqytta 3 sport alańshanyń qurylysy bastaldy.
Sonymen qatar «Evrazııskaıa grýppa» JShS demeýshiligimen 7 jer telimge sport alańshalardyń qurylysyn júrgizý josparlanyp otyr. Qazirgi ýaqytta 4 sport alańshanyń qurylysy bastaldy.
Ár tórt jylda bir ret ótetin Qazaqstan Respýblıkasynyń V Jastar sporttyq Oıyndarynda Shymkent qalasynyń qurama komandasy 882 upaımen jalpy komandalyq esepte 3-orynda keledi. Jarystyń qorytyndysy bıyl tamyz aıynda anyqtalady.
Sondaı-aq qala sportshylary QR chempıonattary, kýboktary men birinshilikterge qatysyp, 364 altyn, 260 kúmis, 312 qola júlde jeńip aldy. Azııa chempıonattary men kýboktarynda qala sportshylary 5 altyn, 7 kúmis, 4 qola medalge qol jetkizse, álem chempıonattary men kýboktarynda 4 altyn, 6 kúmis jáne 12 qola medalge ıe boldy.
2021 jyldyń 6 aıynda 4 halyqaralyq dárejedegi sport sheberi, 98 - Qazaqstan Respýblıkasynyń sport sheberi, 140 sport sheberine úmitker sportshylar daıyndaldy.
Basqarma basshysy turǵyndardyń buqaralyq sportqa qoljetimdilikti arttyrý, sport alańshalarynyń qurylysy boıynsha saýaldaryna jaýap berdi.
