Álem • 16 Shilde, 2021

Úndistanda 11 týrıst jaı otynan mert boldy

38 ret kórsetildi

Úndistanda týrıster jańbyr jaýyp turǵanda eski munaranyń ústinde selfı jasaǵysy kelgen. Sol kezde naızaǵaı soǵyp, qaıtys boldy. Oqıǵaǵa qatysty vıdeo men málimetterdi Daily Mail jazady, dep habarlaıdy Egemen.kz.

11 shilde kúni 30-ǵa jýyq týrıst Úndistannyń Radjastan shtatynyń astanasy Djaıpýrdaǵy ejelgi Amer fortynyń Kúzet munarasynyń shyńyna jınalǵan. Aýa raıynyń qolaısyzdyǵyna qaramastan, kelýshiler tanymal attraksıonnyń fonynda selfı jasaǵysy kelgen.

Kýágerler taratqan kadrlardan týrıster turǵan jerge naızaǵaıdyń qalaı soqqanyn kórýge bolady. Polısııanyń málimetinshe, 11 adam oqıǵa ornynda qaıtys boldy. Taǵy 17 adam túrli jaraqat alyp, úsheýi aýyr halde aýrýhanaǵa jatqyzylǵan.

Úndistan premer-mınıstri Narendra Modı qaıtys bolǵandardyń otbasyna aqshalaı ótemaqy tólenetinin aıtty.

Aıta keteıik, Úndistannyń soltústigindegi jańbyr kezinde jyl saıyn naızaǵaıdan júzdegen adam qaıtys bolady.

 

Sońǵy jańalyqtar

Uqsas jańalyqtar