«Pandemııa bastalǵaly beri kóptegen qyzmet onlaın formatqa kóshti. Degenmen ortalyqqa kelip, oflaın qyzmet suraýshylar sany azaımaı otyr. Azamattardy qabyldaý kezekti aldyn-ala brondaý arqyly júrgiziledi. Jartyjyldyqta 72 334 elektrondy-sıfrly kilt berilip, 36 879 avtokólik quraly, 28 933 jyljymaıtyn múlik nysany tirkeýden ótken. Bul oblys turǵyndary eń kóp júginetin memlekettik qyzmetter», deıdi «Azamattarǵa arnalǵan úkimettiń» BQO boıynsha fılıalynyń dırektory Nadır Qurymbaev.
Aıta keteıik, búginde halyqqa qyzmet kórsetý bólimderinde 659 memlekettik qyzmet kórsetiledi. Batys Qazaqstan oblysynda osyndaı 17 bólim jáne 1 mamandandyrylǵan bólim jumys isteıdi. Jaqyn arada Oral qalasynda HQO bólimderindegi kezekti azaıtý maqsatynda ózine-ózi qyzmet kórsetetin 10 beket ashyldy.
«О́ńirde pandemııaǵa baılanysty epıdemıologııalyq ahýal kúrdeli bolýyna baılanysty bizdiń bólimderge aldyn-ala brondap kezek alyp kelgen klıentterdiń ózi Ashyq júıesi arqyly tekserýden ótedi. Azamattardan araqashyqtyqty saqtap, betperde taǵyp, sanıtarlyq normalardy saqtaýdy suraımyz», deıdi «Azamattarǵa arnalǵan úkimet» memlekettik korporasııasy» Batys Qazaqstan oblysy boıynsha fılıalynyń baspasóz hatshysy Aqnur Nurǵalıeva.
Batys Qazaqstan
