Saıasat • 20 Shilde, 2021

Kompanııa ýádesin oryndady

48 ret kórsetildi

О́tken aptada eriktiler Mańǵystaý oblysyndaǵy mal azyǵyna muqtaj aýdandarǵa shóp jetkizýge kómektesýdi surap, áleýmettik jeliler arqyly «Qazaqstan temir joly» UK» AQ basshylyǵyna júgingen. Bul ýaqytqa deıin jergilikti júk jóneltýshilerdiń kúshimen 9 shilde kúni Arystanǵa eki vagon shóp jiberilgen.

12 shildede Ulttyq kompanııa men «Qaztemirtrans» AQ («QTJ» UQ» AQ enshiles mekemesi) basshylyǵynyń tapsyrmasy boıynsha tez arada vagondar qarastyrylyp, jeke ekspedıtor kompanııalardyń qarjylaı qoldaýymen shóp tıelgen 5 vagon batys óńirge jiberildi.

Ile eriktiler shóp tasıtyn vagondar sanyn kóbeıtý jó­ninde taǵy da usynys jasady.

2021 jyldyń 16 shildesine deıingi shuǵyl aqparat boıynsha seriktester «Shyngar Trans» JShS, «Prommash KZ» JShS, Integra Construction KZ JShS, «Bastaý Trans»JShS qar­jylaı qol­daýy­men Arys jáne Saryaǵash stansalarynan batysqa 10 vagon jóneltildi. Taǵy 30 vagonǵa qosymsha ótinish tústi. Vagonǵa degen suranys áli de kóbeıýi múmkin.    

Kúrdeli jaǵdaıdy eskere otyryp, Ulttyq kompanııa vagondar men lokomotıvti qosa alǵanda, eriktiler jınaǵan shópti tegin tasymaldaý týraly sheshim shyǵardy. Bul jeńildik shekteýli ýaqyt­qa deıin kúshinde bolady. Sonymen qatar «QTJ» UQ» magıstraldyq jelilerdiń monopolııalyq qyzmet ta­rıfi jeńildiksiz tolyq tólený­ge tıis ekenin eske salady. Jalpy eseptegende eriktiler tasymal qashyqtyǵyna qaraı, bir vagonǵa 102-den 120 myń teńgege deıin tóleýge tıis.

Júkti jiberýshi men qabyldap alýshyǵa deıingi tasymaldy uıymdastyrýdy «Qaztemirtrans» AQ ekspe­dıtorlyq qyzmet tóleminsiz mindetine alyp otyr, dep habarlady «QTJ» AQ baspasóz qyzmeti.

 

«Egemen-aqparat»

 

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Uqsas jańalyqtar