Shyǵys Qazaqstan oblysynyń shomylý maýsymynyń qaıǵyly statıstıkasy jańa apattarmen tolyqty.Oqys oqıǵalar shomylýǵa ruqsat berilmegen jáne qutqarýshylar kezekshilik etpeıtin jaǵajaılarda oryn aldy.
17 shilde kúni Buqtyrma sý qoımasynyń Qyzyl Tý ótkeli aýdanynda 1981 jyly týǵan er adam sýǵa batyp ketti.
18 shilde kúni Altaı aýdanynda, Buqtyrma sý qoımasynyń jabaıy jaǵajaıynda 17 jastaǵy jigit sýǵa batty. Qazirgi ýaqytta jedel-qutqarý jasaǵynyń qyzmetkerleri sýǵa batyp ketken adamdy izdestirýde. Izdeý jumystaryn sýdaǵy shópterdiń kóp bolýy qıyndatýda.
19 shildede Tómengi Taıynty aýylynda 2006 jyly týǵan jasóspirim jabdyqtalmaǵan jerde sýǵa batyp ketti.
Tótenshe jaǵdaılar departamenti oblys turǵyndary men qonaqtaryna eskertedi:
- Demalysta ózińizge jáne jaqyndaryńyzǵa óte muqııat bolyńyz jáne sýda júrý erejelerin saqtańyz;
- Jabdyqtalmaǵan jerlerde shomylmańyz;
- Balalardy qaraýsyz qaldyrmańyz;
- Mas kúıinde shomylmańyz;
- Belgisiz jerde sýǵa sekirý nemese súńgý qaýipti;
- Sýda dóreki oıyndarǵa jol bermeńiz;
- Shomylý kezinde shoshytýǵa, kómek týraly jalǵan sıgnal berýge jáne t. b. bolmaıdy;
- Aýa tósenishterinde jáne úrlenetin oıynshyqtarda óte muqııat júzińiz. Olardy jel nemese aǵys jaǵadan alys alyp, tolqynmen basyp ketýi múmkin;
- Jalǵyz jáne qarańǵy ýaqytta shomylmańyz.
Tótenshe jaǵdaı týyndaǵan kezde «112»nómirine qońyraý shalyńyz.
