«Otbasy mektebi» otbasylyq qundylyqtaryn nyǵaıtý» jobasy aıasynda ótken kezdesýge qala ákiminiń birinshi orynbasary Sh.Muqan jáne jergilikti atqarýshy organdardyń basshylary, qalalyq máslıhat depýtattary, jergilikti polısııa qyzmetkerleri, daǵdarys ortalyqtary men belsendi úkimettik emes uıymdardyń ókilderi qatysty.
Jıynda ulttyq komıssııanyń tóraıymy otbasy qundylyqtary turǵysynda sóz qozǵady. Otbasyndaǵy ata-ananyń róli, qoǵammen baılanys, otbasy ınstıtýtyn nyǵaıtýǵa baǵyttalǵan zań normalaryn jetildirý máselesin ortaǵa saldy.
Sonymen qatar jıynǵa qatysqan Respýblıkalyq Ákeler odaǵy qoǵamdyq birlestiginiń tóraǵasy Maqsutbek Aıtmaǵanbet, Street Law Kazakhstan baǵdarlamasynyń treneri, zańger Medet Ýserov, «Atameken» UKP Isker áıelder keńesiniń múshesi Aıjan Muqataeva, teledáriger, endokrınolog, anti-age ekspert Gúljan Amanbaı sanaly otbasy jáne ákeniń bala tárbıesine aralasýy, psıhologııalyq máseleler taqyrybynda pikirin bildirdi.
Kezdesý sońynda «Turmystyq zorlyq-zombylyqqa qarsy is-qımyl týraly» QR Zańynyń jobasy talqylanyp, usynystar jınaqtaldy.
