Olımpııa oıyndaryn qaýipsiz ótkizýge bola ma degen suraqqa naqty jaýap joq. Chılı Ulttyq Olımpıada komıteti vırýs juqtyrǵan taekvondoshynyń jarysqa qatysýdan bas tartatynyn málimdedi. Bul – Japonııaǵa kelgennen keıin oıynnan bas tartýǵa COVID-19 indetin sebep retinde keltirgen alǵashqy jaǵdaı.
Bir jylǵa keıinge qalǵan Olımpııa oıyndary osy jumada bastalýǵa tıis. Uıymdastyrý komıteti qazirdiń ózinde 79 adamnyń vırýs juqtyrǵanyn habarlady.
Dúnıejúzilik densaýlyq saqtaý uıymynyń basshysy Tedros Adanom Gebreıesýs Tokıo Olımpıadasy álemge COVID-19 pandemııasymen kúreste durys jospar men tıimdi sharalar arqyly nege qol jetkizýge bolatynyn kórsetýi kerek degen pikirde. «Olımpııa oıyndary álemdi biriktirýge, shabyttandyrýǵa jáne qol jetkizýge bolatyn múmkindikti kórsetedi», dedi ol. Olımpıada alaýyn joǵary ustap turyp DDU basshysy osy jerden kóringen úmit sáýlesi deni saý, qaýipsiz álem men ádil qoǵamǵa bastasyn dep, Tokıo Olımpıadasyna sáttilik tiledi.
Kyodo basylymynyń habarlaýynsha, sársenbi kúni Tokıoda 1832 adam indet juqtyrǵan. Bul –maýsymnyń ortasynan bergi eń joǵary kórsetkish.
