Áleýmettik jelilerde keshki ýaqytta poıyzǵa otyrǵan jolaýshylar sýǵa tunshyqpas úshin bastaryn sý betine shyǵaryp demalyp turǵan beınejazbalar tarap ketken. Sheneýnikterdiń aıtýynsha, Henan provınsııasyndaǵy týnnelderden 500-den astam adam qutqarylǵan.
Tolassyz jaýǵan jaýyn úlken zııan keltirgen. Barlyǵy 200 myń adam evakýasııalanǵan. Jer ústindegi joldar ózenderge aınalyp, jol ústindegi kólikter men qoqystar sýmen aqqan.
Henan provınsııasynda onnan astam qala zardap shekti. El basshysy Sı Szınpın sársenbide «adam shyǵyny men materıaldyq shyǵyn orasan» ekenin aıtty. Birneshe bóget pen sý qoımalary qalypty deńgeıinen asyp, jaǵadan shyqqan ózenderdi burý úshin sarbazdar jumyldyryldy. Provınsııanyń kóptegen aýdanynda áýe men kólik reısteri jáne poıyzdar toqtatyldy.
О́ńir ortalyǵy Chjenchjoýda úsh kúnniń ishinde ortasha jyldyq jaýyn-shashyn túsken. Henan senbiden bastap sırek kezdesetin tabıǵı apattardyń birin basynan keshirdi. Jergilikti bılik sý tasqynyn myń jylda bir ret bolatyn oqıǵa dep atady.
