Lokdaýn engizilgen Vıktorııa men Jańa Ońtústik Ýelstiń keıbir aýdandaryna seısenbide úshinshi Vıktorııa shtaty qosyldy. Aýstralııalyqtardyń 14 paıyzdan azy vaksına alǵan. Bul – Ekonomıkalyq yntymaqtastyq jáne damý uıymyna (OECD) múshe elder arasyndaǵy eń nashar kórsetkish. Aýstralııanyń eń úlken eki qalasy – Sıdneı men Melbýrnniń qashan ashylatyny belgisiz.
Halyqtyń kóp bóligi pandemııanyń 18 aıynan keıin qaıtadan qatań baqylaýǵa túskenine narazy. Al Ulybrıtanııa men AQSh-tyń qaıta ashyla bastaýy federaldy úkimetke qysymdy arttyra túsken. Premer-mınıstr Skott Morrıson vaksınalaýdyń baıaý deńgeıi úshin qatty synǵa ushyrady, alaıda ol keshirim suraýdan bas tartyp otyr. Ol eshbir eldiń pandemııany 100% jeńbegenin jáne el turǵyndarynyń muny túsinetinin alǵa tartty. Sondaı-aq el basshysy basqa eldermen salystyrǵanda Aýstralııanyń naýqastardy aman alyp qalýdaǵy jetistikterine toqtaldy. Al elde indetten 915 adamnyń ólimi tirkelgen.
