Qalanyń Sanıtarlyq-epıdemıologııalyq baqylaý departamentiniń málimetinshe, jyl basynan beri Almatyda 65 878 adam indet juqtyrǵan. О́tken 2 aptada burynǵy 2 aptamen salystyrǵanda KVI derti 2,6 esege artyp, táýliktik ósim 1%-dan asty. Tek 1-18 shilde aralyǵynda KVI-diń 10 093 jaǵdaıy tirkeldi. О́kinishke qaraı, shamamen shildede 10 700-deı adam indetke shaldyǵýy múmkin degen pessımıstik boljamǵa sáıkes kelip otyr.
Derttiń ósý sebebi belgili – 18 maýsymnan bastap qalada «Delta» nusqasy tarala bastady, mamandar onyń óte juqpaly ári tez taraıtynyn, klınıkalyq kórinisteri tym aýyr ekenin alǵa tartyp otyr.
Sońǵy 7 kúnde «sımptomdy» pasıentterdiń úles salmaǵy burynǵy 7 kúndegi 88%-dan 90%-ǵa deıin ósti. Bul ótken jyly epıdemııanyń birinshi tolqyny kezindegi COVID-19-dyń «Ýhan» nusqasynyń 50%-na qarsy derek.
Osylardy qaperge ala otyryp, Almaty qalalyq SEBD mamandary KVI jaǵdaıy boıynsha aldaǵy 3 aıǵa, ıaǵnı 30 qyrkúıekke deıin sanıtarlyq-epıdemııalyq ahýaldyń damýyna boljam jasady. Bazalyq boljam boıynsha derttiń sharyqtaý shegi 3-4 tamyzǵa týra keledi ári táýligine 1 600-ge jýyq jańa jaǵdaı tirkelýi múmkin. Pessımıstik boljam boıynsha derttiń sharyqtaý shegi 10-11 tamyzǵa týra keledi, 1 900 jańa jaǵdaı tirkelýi múmkin. Bazalyq boljamǵa sáıkes 5-5,5 myń tósektik oryn paıdalanylady, al pessımıstik boljamnyń sharyqtaý shegi boıynsha 6-6,5 myń tósektik orynǵa artýy múmkin. Demek bazalyq ssenarıı boıynsha shildede – 27,5 myń, tamyzda – 34,5 myń, qyrkúıekte – 4,5 myń KVI jaǵdaıy, al pessımıstik boljamǵa sáıkes shildede – 29 myń, tamyzda – 49,5 myń, qyrkúıekte 13,5 myń KVI jaǵdaıy tirkelýi múmkin.
Osyndaı jaǵdaıda mektep oqýshylarynyń oflaın oqýyn qamtamasyz etý úshin monıtorıng jumystary júrgizilip, muǵalimder vaksınalanyp jatqanyn bilemiz. Búginde muǵalimderdiń 97%-y birinshi komponentpen, 67,9%-y ekinshi komponentpen vaksınalandy. Buǵan qosa medısınalyq qyzmetkerlerdiń 97,3%-y birinshi komponentpen, 67,3%-y ekinshi komponentpen vaksınalandy.
Sońǵy 2 aptadaǵy jas quramyn taldaý balalar men jasóspirimderde vırýstyń «Delta» nusqasynyń tez juǵatynyn dáleldep otyr. 14 jasqa deıingi balalardyń úles salmaǵy 1%-ǵa ósken jáne joǵary bolyp qalýda – 14%. 20 jastan 40 jasqa deıingi azamattardyń dert juqtyrýy tómendedi, 39%-dan 37,5%-ǵa deıin. 40-59 jastaǵy naýqastardyń úles salmaǵy joǵary – 25%. Al 60 jastaǵy adamdar arasynda juqtyrǵandardyń úlesi 1,1%-ǵa ósken.
Jumyspen qamtý boıynsha sońǵy 14 kúnde KVI juqtyrý kórsetkishi ózin ózi jumyspen qamtyǵandar arasynda joǵary – 41%, túrli JShS, JK, AQ jumysshylary arasynda – 17%, zeınetkerler arasynda – 16,4%, mektep oqýshylary arasynda – 9,2%, mektep jasyna deıingi balalar arasynda – 6,4%.
Sońǵy 7 kúnde KVI jıi juǵatyn jerler taǵy da saralanyp, saýda nysandary – 40%, qoǵamdyq kólik – 20%, otbasylyq baılanys – 19%, bazarlar 16% ekeni anyqtaldy.
Sońǵy málemetterge sáıkes, Almatyda 2 282 qatysýshy Ashyq jobasy boıynsha jumys isteıdi. 9-14 shilde aralyǵynda nysandarda QR-kodyn (tirkeý) paıdalanyp kelýshilerdi tirkeýdiń mınımaldy sanyn júrgizbegen faktiler anyqtalmady. 100 shaqty qatysýshy Ashyq jobasyna belsendilikpen qatysyp otyr. 26 sáýir men 14 shilde aralyǵynda 211 jaýapsyz qatysýshy jobadan shyǵaryldy.
Al 9-14 shilde aralyǵynda Ashyq-ta skanerleý kezinde «qyzyl» mártebesi bar 31 adamǵa ózin ózi oqshaýlaý rejimin buzǵany úshin 30 AEK aıyppul salyndy. Jalpy alǵanda, 28 sáýir men 14 shilde aralyǵynda ózin ózi oqshaýlaý rejimin buzǵany úshin «qyzyl» mártebege ıe 65 adamǵa 30 AEK kóleminde aıyppul salyndy.
Tártip buzýshylar kóbinese qoǵamdyq tamaqtaný oryndaryna kirýge tyrysady, munda 58 adamnan «qyzyl» jáne 13 adamnan «sary» mártebe anyqtalǵan. SOO kireberisinde 28 adamnyń «qyzyl» jáne 110 adamnyń «sary» mártebesi belgili boldy. «Qyzyl» mártebesi bar 9 adam Almaty áýejaıyna ótpekshi boldy.
Sondyqtan KVI-diń odan ári taralýyn boldyrmaý jónindegi qalalyq shtab ambýlatorııalyq emdelip jatqan qala turǵyndaryn ózin ózi oqshaýlaý rejimin buzbaýǵa jáne qoǵam aldynda azamattyq jaýapkershilik tanytýǵa shaqyrady.
ALMATY
