Doktor naqtylap ótkendeı, qoǵamda kásibı emes, tipti medısına zańdylyǵyn bilmeıtin mamandardyń aıtqanyna senip qalý basym bolyp tur. Bul faktordyń sońy sol dezınformasııany taratyp otyrǵan adamǵa ǵana emes, onyń aınalasyna da qaýipti ekenin, tipti adam ólimine ákelip soǵatynyn kún saıyn kórip otyrmyz.
«Kovıd baqylaýdan shyǵyp bara jatyr. Dál qazir Delta nusqasynyń ǵalamshardy jaılap alǵanyn kórip otyrmyz. Kúni erteń qandaı nusqalardyń taralatynyn jáne onyń tyrnaǵynda kimderdiń ketetinin biz bilmeımiz», deıdi Almaz Sharman.
Almaz Sharmannyń sózinshe, ózderin resmı túrde antıvakserler dep ataıtyn top jer betindegi halyqtyń 5 paıyzyn qurap otyr. Olar shamadan tys belsendiliginiń nátıjesinde ózderine nazar aýdartyp úlgirdi. Adamnyń ómirine jany ashıtyn keıip tanyta otyryp, bir-birimen teke-tiresip jatqan aqparattyń aýylynda adastyryp jiberdi. Olardyń kózdegen maqsaty da osy.
«Antıvakserler taratqan aqparattar «ınfodemııa» dep atalady. Olardyń boljamdarynyń aýqymy óte keń: paradoksaldy. Álemdik úkimettiń jáne Geıtstiń chıpteriniń qastandyǵy sııaqty paranoıdty, bir qaraǵanda aqylǵa qonymdy bolyp kórinedi, biraq ǵylymı negizdemeden jurdaı. Tipti adamnyń ómirge bala ákelý múmkindigin shekteıdi degenderdi de estip júrmin. Vaksınalardyń keń aýqymdy klınıkalyq synaqtarynyń nátıjeleri olardyń reprodýktıvti qaýipsizdigin kórsetti. Kerisinshe kovıdpen aýyratyndar bedeýlik, túsik jáne erektıldi dısfýnksııa qaýpin edáýir arttyratyny kún saıyn aıqyndalyp jatyr. Búgingi kúni álemde koronavırýsqa qarsy 4 mıllıard dozaǵa jýyq túrli vaksınalar egildi, bul álemdegi árbir 100 adamǵa orta eseppen 50 dozadan keledi. Iаǵnı jınaqtalǵan tájirıbe shynymen de orasan zor», deıdi Almaz Sharman.
Osy tusta, Almaz Sharman naqtylap ótkendeı, ǵalymdar koronavırýstyq vaksınalar jasaýǵa barlyq múmkindigin jumyldyryp jatyr. Bul eńbekti ondaǵan jyldardyń nátıjesi dep baǵalaýǵa bolady.
«Bul tehnnologııalar Ebola epıdemııasymen kúresýde jáne qaterli isik aýrýlaryn emdeýde qoldanylǵan. Jetekshi elderdiń orasan zor ınvestısııalary arqasynda júz myńdaǵan eriktilerdiń qatysýymen vaksınalardyń sapaly klınıkalyq synaqtaryn júrgizýge múmkindik týdy, nátıjesinde olardyń qaýipsizdigi men tıimdiligine bultartpas dálelder alyndy. Bul materıaldar ashyq ǵylymı baspasózde jarııalanǵan», deıdi Almaz Sharman.
Osy tusta Almaz Sharman adamzattyń densaýlyǵyn tek Senim ǵana saqtaı alatynyn aıtyp ótti. Sonymen qatar vaksınasııa óte mańyzdy ujymdyq kúsh pen azamattardyń medısınalyq qyzmetkerlermen tyǵyz yntymaqtastyǵyn talap etedi. Alaıda, qazirgi álemde kóptegen adamdar memleket óz densaýlyǵyna qatysty máselelerdi sheshken kezde, DDU nemese Bıll Geıts sııaqty halyqaralyq uıymdar qyzyǵýshylyq tanytqanynan kúdiktenetini aqıqat. Osy tusta adam quqy men konspırologııalyq teorııanyń ara jigin aıqyndap alý mańyzdy.
«О́tken jyly 32 elden kelgen 13 427 azamat arasynda vaksınasııaǵa degen kózqaras jáne úkimetter pandemııamen qanshalyqty tıimdi kúresip jatqandyǵy týraly saýalnama júrgizildi. Basym daýys halyqtyń vaksınaǵa senetinin baıqatty. Vaksınasııa baǵdarlamasynyń sátti júrýi adamzattyń ómirin saqtap qalatynyn adamdar túsinip kele jatyr. Demek, vaksınalardy jasaıtyn ǵalymdarǵa, olardy jasaıtyn kompanııalarǵa, vaksınasııa jasaıtyn densaýlyq saqtaý qyzmetkerlerine, búkil prosesti baqylaıtyn úkimetke senim bárinen de mańyzdy. Osy senim tizbeginiń tutastyǵy vaksınasııa naýqanyna azamattardyń sanaly qatysýyn qamtamasyz etý úshin óte mańyzdy. Osy tizbektiń kez kelgen býynyna senimsizdik onyń tutastyǵynyń buzylýyna jáne halyqty vaksınasııalaý jónindegi jumystardyń nátıjesiz bolýyna ákeledi», deıdi Almaz Sharman.
Almaz Sharman aıtyp ótkendeı, vaksınaǵa senbeıtin adamdar dıfterııa, koklıýsh, polıomıelıt, tárizdi adamnyń densaýlyǵyna qaýip tóndiretin dertterdi bilmeıtin shyǵar degen oıda bolypty. Medısına damyǵan saıyn dert túrleri kóbeıip keledi. Vaksınanyń nátıjesinde adamzatqa aty-zaty belgili dert túrleriniń zalaly álsirep jetedi. Pandemııanyń bastalýy vaksınaǵa degen kózqarasty túbegeıli ózgertti. Vaksınalar óte qaýipsiz jáne tıimdiligi joǵary ekendigi dáleldendi.
«Aýrýhana tóseginde aýa jetpeı jantalasyp jatyp kóz jumǵan jaqyn adamdarymyzdyń taǵdyry eske túsken saıyn buǵan jol bermeý joldaryn izdeý adamzattyń № 1 mindetine aınalýy tıis edi. Biraq adam boıyndaǵy qorqynysh, dezınformasııanyń áseri kózdi baılap qoıdy, ólip bara jatqan adamdardy esten shyǵaryp, senimsizdik sındromynyń salmaǵyn tereńdetip jatyr.
Adamdar ólimmen dertten emes, vaksınadan qorqa bastady. Bul men úshin paradoks», dep sózin túıindedi Almaz Sharman.
