Jyl saıyn Qazaqstannyń ár óńirinen Ulttyq ulannyń 5510 áskerı bóliminiń qataryna jas jigitter Otan aldyndaǵy qasıetti boryshtaryn oryndaýǵa shaqyrylady.
Áskerı antty 200-den astam jas jaýynger qabyldady. Qoldanystaǵy karantındik sharalarǵa baılanysty áskerı ant berý sarbazdardyń týystary men jaqyndarynyń qatysýynsyz onlaın-rejımde júrgizildi.
Jas jaýyngerlerdi Aqmola oblysy ákiminiń orynbasary Aına Músrálimova quttyqtady.
«Bıylǵy jyly barlyq is-sharalar elimizdiń Táýelsizdiginiń 30 jyldyǵy aıasynda ótkiziletini belgili. Mereıtoıly jyldyń taǵy bir jarqyn sharasy - bizdiń jastarymyzdyń Qazaqstan Respýblıkasy Qarýly Kúshteriniń qataryna kirý saltanaty boldy. Táýelsizdik jyldarynda QR Qarýly Kúshteri kúrdeli joldan ótip, óz áleýetin aıtarlyqtaı kúsheıtti. Túrli ózgeristerge ushyrap, bizdiń myqty ári jınaqy armııamyz búginde memleketti syrtqy qaterlerden qorǵaýdyń, el egemendigin saqtaýdyń kepiline aınaldy. Otan qorǵaýshylardyń jas urpaǵy Otanǵa adal qyzmet etip, áskerı jarǵylardy laıyqty oryndaý arqyly Qazaqstannyń ulttyq múddelerin qorǵaý qyzmetin maqtanyshpen atqarasyzdar dep úmittenemiz», dedi óziniń quttyqtaý sózinde Aına Músralımova.
Is-shara aıaqtalǵannan keıin jas jaýyngerler saltanatty marshpen ótip, saptyq daıarlyq elementteri men qoıan-qoltyq urys tásilderi boıynsha kórsetilimderdi kórsetti.
