ShQO О́ńirlik kommýnıkasııalar qyzmetinde Shyǵys Qazaqstan oblystyq saılaý komıssııasynyń tóraǵasy Ersaıyn Nábıevtiń, komıssııa tóraǵasynyń orynbasary Janar Alqanovanyń, SEB departamenti basshysynyń orynbasary Ǵalymbek Alınniń, ShQO PD Ákimshilik polısııa basqarmasynyń bastyǵy Ernar Bazarovtyń qatysýymen brıfıng ótti.
Aýmaqtyq saılaý komıssııalarynyń derekterine sáıkes saǵat 7.00-de aýdandyq mańyzy bar bir qalada, alty kentte, 70 aýyldyq okrýgte daýys berý bastaldy. Qazirgi ýaqytta óńirde 221 saılaý ýchaskesi jumys istep tur.
«Saılaýshylardyń saılaý ýchaskelerine kelýi týraly qosymsha aqparat Nur-Sultan qalasynyń ýaqyty boıynsha 10.00, 12.00, 14.00, 16.00, 18.00 jáne 20.00-jaǵdaı boıynsha oblystyń aýmaqtyq saılaý komıssııalarynyń ǵalamtordaǵy resmı paraqshalarynda usynylatyn bolady. Saılaýshylardyń aldyn ala kelýi týraly aqparat 21.00-de jarııalanatyn bolady», dedi Ersaıyn Nábıev.
Saılaý ýchaskelerinde qoǵamdyq tártipti qamtamasyz etý úshin ShQO polısııa departamentiniń saqshylary qyzmetterine kiristi. Ákimshilik polısııa basqarmasynyń bastyǵy Ernar Bazarovtyń aıtýynsha, árbir saılaý ýchaskesinde kezekshilikti qamtamasyz etý maqsatynda 800-den astam polısııa qyzmetkeri jumyldyryldyryp, prokýratýra qyzmetkerleri kiretin jedel-tergeý toptary qurylǵan.
