Turǵyndarmen kezdesti

Pavlodar oblysynda depýtattar Aıgúl Nurkına, Vera Kım jáne Anatolıı Boıchın jergilikti turǵyndardy qabyldaý barysynda pavlodarlyqtar zııandy eńbek jaǵdaılary bar óndiriste jumys istegen zeınetkerler boıynsha nor­matıvtik-quqyqtyq aktilerge óz­ge­rister engizýge qatysty máse­­lelerdi kóterdi. Sonymen qatar qala turǵyndaryn «Ekinshi Pav­lodar» shaǵyn aýdanynda jerasty sý­larymen jıi sý basý máse­lesi tol­ǵandyratynyn da atap ótti.

Al Jelezın aýdanynyń tur­ǵyn­dary tez arada sheshýdi talap etetin negizgi problemalardy kóterdi. Bular: jylý jelileri men qazandyq jabdyqtarynyń tozýy, 500 adamnan az halqy bar aýyldarda sapaly aýyzsýdyń bolmaýy, Aqtaý, Ozernoe, Jańabirlik, Krýpskoe, Razdelnoe, Beregovoe, О́rlitóbe, Zaharovka, Aqqaıyń, Dúıseke, Petropavlovka aýyldarynda sapaly uıaly jáne ınternet baılanysynyń bolmaýy. Májilis depýtattary atalǵan máse­le­lerdiń sheshimin tabýyn jeke baqylaýǵa aldy.

Atyraý oblysynda májilis­men Dúısenbaı Turǵanov­tyń qa­byl­daýynda bolǵan turǵyndar eń aldymen jaǵymsyz ıis kózi bolyp tabylatyn býlaný alqaptaryna qa­tysty máselelerdi kóterdi. De­pý­tat Atyraý munaı óńdeý zaýy­tyn­­da bolyp, onda býlaný al­qap­ta­ryn qalpyna keltirý kire­tin TAZALYQ jobasynyń iske asy­rylý barysymen tanysty. Zaýyt bas­shy­lyǵy máseleni jos­par­lan­ǵan mer­zimde sheshýge ýáde ber­di. So­ny­men qatar aty­raý­lyq­tar azyq-túlik baǵa­syn kóterý, áleý­met­­tik kómek kór­setý, zeınet­aqy mól­she­rin arttyrý máse­lelerin de kóterdi.

Almaty qalasynda Májilis depýtaty Qanat Nurov qalanyń birneshe aýdanynda azamattardy qabyldady. Qabylaý bary­synda áleýmettik turǵyn úıdi jeke­shelendirý, temir jol jolaýshylar bıletterin alyp-satýshylyq, múmkindigi shekteýli adamdardy áleýmettik qamtamasyz etý, ońaltý ortalyqtaryn salý jáne taǵy basqa da birqatar ózekti másele ortaǵa salyndy.

Májilis depýtattary, Nur Otan partııasy fraksııasynyń músheleri Muhtar Erman, Berik Bekjanov jáne Ǵanı Tashqaraev Shymkent qalasynyń «Qursaı» shaǵyn aýdanynda salynyp jat­qan mektep qurylysynyń barysymen tanysty. Sondaı-aq shaǵyn aýdan turǵyndarymen kezdesti. Kezdesýde bıyl sapaly bilim berý úshin jaǵdaı jasaý maqsatynda 2021-2025 jyldarǵa arnalǵan ke­shendi jospar túzilip, osy ýa­qyt ishinde Shymkentte 72 mektep qurylysy júrgiziletini aıtyldy.  Onyń ishinde 2021 jyly 18 732 orynǵa arnalǵan 32 mektep qu­ry­lysy júrgizilip,  jyl soń­yn­­da 10 222 orynǵa  arnalǵan 20 mek­­tep paıdalanýǵa berilmek. Nátı­jesinde, apatty mektep máse­lesi tolyǵymen sheshilip, úsh aýy­sym­dy mektepter sany 14-ten 9-ǵa de­ıin azaıatyny, al 2023 jylǵa de­ıin túpkilikti sheshiletini málimdeldi.

Budan bólek, depýtattar tur­ǵyndardyń  ótinish-tilekterin tyńdady.