О́z tańdaýyn jasady

Saılaýshylar 74 saılaý ýchaskesinde Aqqudyq aýyly men 34 aýyldyq okrýg ákimderin tańdady. Áıteke bı, Qarǵaly, Mártók, Shalqar, Hromtaý aýdandarynyń saılaýshylary asa belsendilik tanytty.

Sondaı-aq aýyl ákimderin saılaý kezinde qoǵamdyq qaýip­siz­dikti saqtaýǵa oblys boıynsha 196 polısııa qyzmetkeri ju­myldyryldy. Olardan basqa, 74 polısııa qyzmetkeri oblys ortalyǵynan 12 aýdanǵa saılaý ýchaskelerine bıýlletender jetkizýge qatysty.

Alǵa aýdanynyń Toqman­saı jáne Úshqudyq aýyldyq okrýg­teriniń ákimi bolýǵa 6 kan­dıdat talasqa tústi. Baı­ǵanın aýdanynyń Kóltaban, Sar­toǵaı, Qyzylbulaq aýyldyq okrýg­teri men Áıteke bı aýdany­­nyń T.Júrgenov, Áıke, Jam­byl, Úshqatty, Tumabulaq, Aral­toǵaı, Qaıraqty aýyl­dyq okrýg­teriniń ákimi bolýǵa bir orynǵa úsh kandıdattan kelgen.

Muǵaljar aýdanyndaǵy 1225 turǵyny bar Qaıyńdy aýyldyq okrýginiń ákimi bolýǵa saılaýǵa úsh kandıdat tústi. Olar «Aqjol» demo­kra­tııa­lyq partııasynan – Djalı Abdıev, Nur Otan partııasynan – Nurbolat Jalǵas jáne ózin ózi usynǵan Rýslan Tórebekov. Jeksenbi kúni osy okrýgke kiretin Altyndy jáne Qaıyńdy eldi mekenderiniń 712 saılaýshysy olarǵa tańdaýyn jasady.

Qobda aýdanynyń I.Qur­manov atyndaǵy, Sarbulaq, Tal­dysaı, Jarsaı, Terisaqqan aýyldyq okrýgteriniń saılaý­shylary 8 ýchaskede daýys berdi.

I.Qurmanov atyndaǵy aýyl­dyq okrýg aqsaqaldar keńesiniń tóraǵasy Jánibek Anıshov Egin­dibulaq eldi mekenindegi orta mektepte ornalasqan №443 saı­laý ýchaskesine tańer­teń­gi­lik ýaqytta kelip daýys ber­di. Aq­saqal aýyl ákimi istiń kózin taba biletin sheber uıym­das­ty­rýshy bola bilýi kerek degen pikirde.

«Aýyl ákimin úlken jumys kútip tur. Bıylǵy qýańshylyq elge ońaı tıgen joq. Qysqa da­ıyndyq, otyn-sý ázirleý, ju­myssyzdardy kásiptik baǵdar berý kýrstaryna jiberý, jas mamandar tartý, kógaldandyrý sııaqty qyrýar jumystardy úzdiksiz júrgizý kerek. Tek sonda ǵana jumystyń nátıjesi kórinedi. Aýylda erinbegen adamǵa tabys kózi kóp. Osy jaǵynan aýyl aqsaqaldary saılanǵan ákimge qoldan kelgen kómegimizdi beremiz», deıdi Egindibulaq eldi mekeniniń turǵyny J.Anıshov.

«Partııalyq emes baıqaý or­talyǵy» respýblıkalyq qo­ǵam­dyq birlestiginiń Aqtóbe ob­lystyq fılıalynyń tór­aǵasy Erádil Úbbinııazovtyń habar­laýynsha, Aqtóbe oblysynda ótip jatqan aýyl ákim­deri saılaýyn 500-ge jýyq baı­qaýshy qadaǵalady. Olar­dyń eń kóbi Áıteke bı aýdanynda tirkelipti. Osy aýdandaǵy jeti okrýg áki­mi saılaýyn 150 baıqaýshy qada­ǵalasa, Baı­ǵanın men Qobda aýdandarynda 80, ózge aýdandarda 10-30 baıqaýshydan tirkelgen.

   Aqtóbe oblysy