Jańashyldyqqa jol ashqan jańa úrdiske biz de úlesimizdi qosýdy kózdedik. Bizdiń maqsatymyz – saılaýdyń ashyq, ádil ótýin qadaǵalaý.
Atyraý qalasy men alty aýdandaǵy 18 aýyldyq okrýgtiń ákimi laýazymy úshin 52 úmitker dodaǵa tústi. Ákim saılaýy 36 saılaý ýchaskesinde ótti. Qoǵamdyq birlestiktiń 150-ge jýyq baıqaýshysy saılaý ýchaskelerine tańǵy saǵat 6:00-den bastap bardy. Saılaý úderisin qadaǵalaý kezinde «Qazaqstan Respýblıkasyndaǵy saılaý týraly» zań talabyn buzýshylyq tirkelgen joq.
Saılaý ýchaskelerinde daýys berý sanıtarlyq normalarǵa sáıkes uıymdastyryldy. Aýyl turǵyndarynyń bul saılaýǵa qyzyǵýshylyq tanytyp, belsendilikpen daýys bergeninen bılik pen buqara arasyndaǵy baılanystyń nyǵaıatynyn baıqadyq. Ár turǵyn daýys berýge kelip, óz tańdaýyn jasady. Osylaısha, saılaýshylar elimizdiń demokratııalyq jolmen órkendeýine úlesin qosty.
Al aýyl ákimderi týraly aıtatyn bolsaq, endi olar óz mindetine jaýapkershilikpen qaraıtyn bolady. О́ıtkeni ákim aýyl turǵyndarynyń kóp daýysyn jınaý úshin saılaýaldy baǵdarlamasyn usyndy. Saılaýshylardyń senimin aqtaýǵa tyrysatyn ákim ózi usynǵan baǵdarlamanyń naqty iske asýyna múddelik tanytady.
Dáýren SEIITQALIEV,
«Partııalyq emes baıqaý ortalyǵy» respýblıkalyq qoǵamdyq birlestigi oblystyq fılıalynyń jetekshisi
Atyraý oblysy
