IIM Áskerı tergeý basqaramasy Túrksitan oblysynda jalǵan medısınalyq anyqtama jasaǵan úsh turǵyndy anyqtady. Sondaı-aq Qazaqstan-О́zbekstan shekarasynan ótýshilerge jalǵan medısınalyq anyqtama jasap bergen Saryaǵash aýdandyq aýrýhanasynyń medbıkesi ustaldy. Tergeýshilerdiń aıtýynsha, ol Qazaqstandaǵy aýrýhananyń shaqyrtý qaǵazyn 3000-8000 teńge aralaǵynda jasap bergen. Kúdiktiniń úıi men jumys ornyn tintý barysynda aldyn ala mór basylǵan 1266 medısına blankasy tabyldy. Qazir QR Qylmystyq kodeksiniń 385-baby boıynsha sotqa deıingi tergeý amaldary júrip jatyr.
«Jalǵan qujat jasaǵandarǵa 4 jylǵa deıin bas bostandyǵynan aıyrý qylmystyq jazasy, al jalǵan qujatty qoldanǵandar úshin 40 táýlikke qamaý qarastyrylǵan», dep eskertedi IIM ókili.
