Qaskúnemniń negizgi oljasy aqsha men altyn buıymdar boldy. Ortasha alǵanda, bir páterden kelgen shyǵyn somasy 500 myń teńgeni qurady. Eń kishkentaı «olja» – 216 myń teńge. Qylmyskerdi ustaýǵa Qostanaı qalasy PB-nyń barlyq jeke quramy jumyldyrylǵan.
«Túski ýaqytta qyzymmen aýlaǵa serýendeýge shyqtyq. Aýlada júrgende beıtanys adamdy kórdim. Ol izdeýde júrgen qylmyskerge uqsas bolyp kórindi. Búıirinde sómkesi de boldy», deıdi Chıngız Halıkov.
Kadr bóliminiń qyzmetkeri krımınaldyq polısııa qyzmetkerlerine habar berip, Soltústik polısııa bóliminiń jedel ýákilderi atalǵan mekenjaıǵa 20 mınýt ishinde kelip jetti.
Osylaısha, birneshe úıdi tonaǵan kúdikti qylmys ústinde ustaldy. Er adam altyn buıymdar men 650 myń teńge aqsha urlap úlgerdi. Páter urysy osyǵan uqsas qylmysy úshin buryn sottalǵan Nur-Sultan qalasynyń 32 jastaǵy turǵyny bolyp shyqty. Sonymen qatar, ol memleketaralyq izdeýde tirkelgeni anyqtaldy.
Qazirgi ýaqytta atalǵan fakti boıynsha Qylmystyq kodekstiń 188-babynyń 3-bóligi «Urlyq» boıynsha sotqa deıingi tergeý is-sharalary júrgizilýde. Kúdikti qamaýǵa alyndy.
