Halyqaralyq fızıka olımpıadasy (IPhO-2021) 17-24 shilde aralyǵynda Lıtvada onlaın formatta ótti. Zııatkerlik baıqaýda álemniń 76 elinen 368 oqýshy baq synady. Qazaqstannyń atynan Nur-Sultan, Almaty, Atyraý jáne Pavlodar qalasynan bes oqýshy, ıaǵnı respýblıkalyq pándik olımpıadanyń jeńimpazdary qatysty. Ulttyq quramany jarysqa tájirıbeli pedagogter men jattyqtyrýshylar daıyndady.
Olımpıada eki kezeńnen turdy, olar 19 jáne 21 shildede ótti. Qatysýshylar fızıka páni boıynsha túrli teorııalyq jáne praktıkalyq tapsyrmalardy sheshti. О́tken jyldyń rekordyn jańartyp, qazaqstandyq oqýshylardyń barlyǵy kúmis medal ıegeri atandy. Olar – Qaldybaev Raýan, Draganchýk Anton, Rahymjanov Dinmuhammed, Alpamys Rızabek, Pitebaı Ersultan.
Halyqaralyq lıngvıstıka olımpıadasy (IOL-2021) Latvııada onlaın rejımde ótti. Oǵan Nur-Sultan, Shymkent, Taraz jáne Qaraǵandy qalalarynan tórt oqýshy qatysty. Qazaqstan qurama komandasy respýblıkalyq olımpıadanyń jeńimpazdarynan jasaqtaldy. Olar álemniń 30-dan astam eliniń qatysýshylarymen baq synasty.
Saıys eki kezeńnen turdy. Birinshi týrda qatysýshylar bes tapsyrmany sheship, ekinshi týrda komandalyq joba daıyndady. Olımpıada qorytyndysy boıynsha Qazaqstan quramasynyń qorjyny bir qola medalmen tolyqty. Ony elordalyq oqýshy Peresypkına Darıa ıelendi.
«Qurmetti olımpıada júldegerleri! Sizderdi jańa jeńisterińizben quttyqtaımyn! Qazaqstandyq oqýshylar myqty daıyndyǵyn, bilimderiniń joǵary deńgeıin taǵy da dáleldedi. Sizder óz qurdastaryńyzdyń arasynda fızıka jáne lıngvıstıka áleminde kóshbasshy bola aldyńyzdar. Osyndaı jetistikter qajyrly eńbektiń, shydamdylyq pen qaısarlyqtyń, birneshe jyldyq joǵary daıyndyqtyń nátıjesi ekeni anyq. Bolashaqta sizderdiń esimderińizdi otandyq ǵylym áleminde kóretinimizge úmit artamyz. Sizderge jańa jetistikter tileımin! Sondaı-aq olımpıadaǵa qatysqan oqýshylardyń ustazdaryn, ata-analaryn jáne jattyqtyrýshylaryn quttyqtaımyn. Jeńimpazdardyń joǵary nátıjelerge qol jetkizýi sizderdiń eńbekterińizdiń arqasy ekeni belgili. О́z kezeginde, Bilim jáne ǵylym mınıstrligi oqýshylarymyzdyń ǵylym álemin odan ári baǵyndyrýy men óz rekordtaryn jańartýy úshin jaǵdaı jasaýdy jalǵastyratynyn atap ótkim keledi», dep jazdy QR Bilim jáne ǵylym mınıstri Ashat Aımaǵambetov Facebook jelisindegi paraqshasynda.
