Saıasat • 27 Shilde, 2021

Naǵyz halyqtyq tańdaý jasaldy

27 ret kórsetildi

Memleket basshysy Qasym-Jomart Toqaev «Jańa jaǵdaı­daǵy Qazaqstan: is-qımyl kezeńi» Joldaýynda aýyl ákimderin tikeleı saılaý qajettigin aıtqanda kókiregi oıaý, kózi ashyq adamdardyń bári eleń etip, Prezıdenttiń saıası reformalaryna úlken úmitpen qaraǵan bolatyn. Endi, mine, egemen elimizdiń órkenıetti, demokratııalyq damýyna baǵyttalǵan ıgi bastama oıdaǵydaı júzege asyrylyp, qoǵamda zor órleý týǵyzyp otyr.

Altyn besik – aýyl turǵyn­dary Táýelsizdik jyldarynda tuńǵysh ret óz basshylaryn ózderi tańdaý múmkindigine ıe bolyp, saıası belsendiligi kúrt artty. «Ákim bol, halqyńa jaqyn bol!» degendeı, endi aýyl ákimi turǵyndarǵa jaqyndaı túsedi. Joǵarydaǵy basshylyqtyń emes, aýyldyqtardyń múdde­sin qorǵap, jergilikti jerlerde sheshilmeı jatqan kúrmeýli máselelerdiń sheshim tabýyna kúsh salady. Ekinshiden, osy jolǵy saıası naýqan barysynda halyq daýsynyń mańyzdylyǵyn anyq uǵyndyq.

Qostanaı oblysyndaǵy 65 saılaý okrýginde bolǵan daýys berýge  «Partııalyq emes baıqaý orta­lyǵy» respýblıkalyq qoǵam­­dyq birlestigi oblystyq fı­lıalynyń 400-ge jýyq ókili qatysty. Olardyń bári aldyn ala arnaıy daıarlyqtan ótip, ma­ńyz­dy saıası naýqannyń ádil ári ashyq ótýin qadaǵalap otyrdy.

О́z basym túske deıin óńir­degi saılaý ýchaskeleriniń birazyn aralap shyqtym. Shal­ǵaı aýyldardaǵy saılaý ýchaske­lerindegi ókilderimizden telefon arqyly habar alyp otyrdyq. Bizdiń baıqaýshylardyń aıtýyn­sha, saıası naýqan barysynda qoldanystaǵy zańnamany buzýdyń eshqandaı deregi tirkel­gen joq. Buǵan qosa, sanıtarlyq-epıdemııalyq talaptardyń saq­talýyn jiti baqylap otyrdyq. Ár ýchaskedegi kabınalar arnaıy sanıtarlyq qurylǵylarmen saǵat saıyn tazartylyp, áleý­mettik araqashyqtyq saqtalýy qatań qadaǵalaýda boldy. Ob­lys­taǵy barlyq saılaý ýchas­kesi­niń kireberisinde medısı­na qyzmetkerleri men volonterler kezekshilik atqaryp tur­dy. Olardyń mindeti saılaý­shy­lardyń sanıtaızer arqyly qol shaıýyn qadaǵalap, dene qyzýyn ólshep, ár adamǵa medısınalyq qolǵap, maska, qalam úlestirý boldy. Maska, qolǵaptarmen bar­lyq ýchaskeler jetkilikti túrde qamtyldy.

Bul saılaýda aýyl turǵyn­darynyń belsendiligi erekshe bolǵandyǵyn atap aıtqan jón. Máselen, Lısakov qala­sy men Áýlıekól, Jitiqara aýdan­daryndaǵy saılaý ýchaskelerinde aýyl turǵyndarynyń jartysynan astamy túske deıin-aq daýys berip úlgerdi. Bul óz áki­min ózi saılap, naǵyz halyq­tyq tań­­daýǵa qol jetkizgen aýyl tur­­ǵyndarynyń saıası belsen­diliginiń aıǵaǵy bolsa kerek.     

 

Bolat QALIEV,

«Partııalyq emes baıqaý ortalyǵy» RQB oblystyq fılıalynyń tóraǵasy

 

Qostanaı oblysy

 

Sońǵy jańalyqtar

Kabýlda jarylys boldy

Oqıǵa • Keshe

Almatyda baqylaý kúsheıtildi

Koronavırýs • Keshe

Tiliksiz ota jasaldy

Medısına • Keshe

Uqsas jańalyqtar