Qoǵam • 27 Shilde, 2021

Dosyn qutqarǵan jas óren

515 ret kórsetildi

Batys Qazaqstan oblysy Aqjaıyq aýdanyna qarasty Qaraýyltóbe aýylynda turatyn Asylan Orahaev Jaıyq ózenine sýǵa ketip bara jatqan dosy Shyńǵysty qutqaryp qaldy. Oqıǵany kezdeısoq kórip qalǵan aýyl turǵyny bolmasa, jasóspirimniń bul erligin eshkim bilmes edi.

Oqıǵa 19 shilde kúni keshki saǵat 19.00 shamasynda bolǵan.

«Balamnyń dostary Shyńǵys pen Jantýǵan kelip, Asylandy sýǵa shomylýǵa ertip áketti. Ádettegideı tereńge barmaýyn eskertip, jiberdim. Sol kúni keshte úıge kelgende balam kóp sóılemeı, tuıyq otyrdy. Biraq eshteńe aıtqan joq. Bolǵan jaǵdaıdy ata-analardyń whatsapp tobyndaǵy aýdıojazbadan erteńine bir-aq bildim», deıdi Asylannyń anasy Barshagúl.

Jaıyq ózenindegi oqıǵaǵa sol mańda serýendep júrgen aýyl turǵy­ny Dınara Shamuratqyzy kezdeısoq kýá bolǵan.

«Qyzym Aqmarjan ekeýmiz Ja­ıyq­ta shomylyp júrgenbiz. Aýyl jaq­tan úsh bala kelip, bizden alysyraq jerde sýǵa túse bastady. Asylan men Jantýǵan – toǵyzynshy synyp bitirgen, al Shyńǵys – bir synyp tómen oqıtyn bala. Bir kezde bir balanyń kómek suraǵan daýsy shyqty. Basynda balalar oınap júrgen shyǵar dep mán bermedik. Daýys taǵy shyqqanda qarasaq, Shyńǵys ózenniń ortasynda sýǵa batyp-shyǵyp júr eken. Sol kezde Asylan júzip baryp, Shyńǵysty qutqarýǵa talpyndy. Ekeýi sý ortasynda birese sýǵa batyp ketedi, birese sý betine shyǵyp, arpalysyp jatyr. Birneshe mınýttan keıin Asylan Shyńǵysty áreń degende sý jaǵasyna alyp shyqty. Sý jutyp, álsirep qalǵan Shyńǵys óz-ózine kelgen soń úsheýi aýylǵa bettedi. Asylannyń batyrlyǵyna osylaı kýá boldym», deıdi Dınara.

Úsh dos oqys oqıǵadan qatty shoshyp qalsa kerek. О́zen jaǵasynan aýylǵa deıin únsiz kelipti. «Tereńge barmańdar!» degen úlkenderdiń eskert­pesin buzǵanyn eshkim bilmeýi úshin bolǵan jaıtty qupııa qaldyrǵan eken. Biraq kezdeısoq kýáger Asylan­nyń erligin jarııa etti.

«Balamdy ajaldan qutqarǵan Asylanǵa, onyń ata-anasyna alǵysym sheksiz. Asylannyń bolashaqta eline adal qyzmet etetin azamat bolatynyna senimdimin!», deıdi Shyńǵys Manar­bekulynyń anasy M.Kómeshova.

«Biz Asylan oqıtyn mektepten, aýyl­dyq okrýg ákimdiginen tıisti qaǵazdardy suratyp jatyrmyz. Batyr boz­bala departamenttiń alǵys hatymen marapattalady», dedi oblystyq Tóten­­she jaǵdaılar departamentiniń qo­ǵam­­men baılanys qyzmetkeri Anel Muqanova.

Batys Qazaqstan oblysynyń sý aıdyndarynda jyl basynan beri 22 adam sýǵa ketip qaıtys bolǵan, onyń 8-i – kámeletke tolmaǵandar.

 

Batys Qazaqstan oblysy

 

Sońǵy jańalyqtar

Aldaǵy kúnderi kún sýytady

Aýa raıy • Búgin, 11:55

Shymkentte transformator órtendi

Oqıǵa • Búgin, 10:17

Rýhanı muralar din ókilderine tanystyryldy

Rýhanııat • Búgin, 08:34

Ýaqytpen birge túlegen

Ádebıet • Búgin, 08:33

Baladan qashqan bezbúırek

Qoǵam • Búgin, 08:31

Stýdentter ara baǵyp júr

Bilim • Búgin, 08:28

Masa mazany ala bastady

Aımaqtar • Búgin, 08:27

Qalypty uıqy – qýat kózi

Qoǵam • Búgin, 08:26

Bereshek – 24,3 mlrd teńge

Ekonomıka • Búgin, 08:24

Genderlik bıýdjet qurý – ózekti mindet

Ekonomıka • Búgin, 08:23

Úzdikter anyqtaldy

Qoǵam • Búgin, 08:21

Jurtshylyqqa qaraı jańa qadam

Aımaqtar • Búgin, 08:19

Alǵa umtylǵan Aqmola

Aımaqtar • Búgin, 08:17

Ashyq qoǵamnyń aıqyn kórinisi

Qazaqstan • Búgin, 08:15

Erkin kúrestiń erleri anyqtaldy

Sport • Búgin, 08:10

Uqsas jańalyqtar