Qaıyrymdy ister marafony aıasynda volonterler men belsendiler jartastardaǵy vandaldy jazbalardy óshirý, sý qoımalary men tanymal týrıstik baǵdarlardyń mańyn tazalaýǵa atsalysty. Aksııany jergilikti atqarýshy organdardyń, «Kazakh Tourism» kompanııasynyń, «Jana Dunie» qaıyrymdylyq qory qoldaýymen Aqparat jáne qoǵamdyq damý mınıstrligi uıymdastyrdy.
Atalmysh aksııaǵa elimizdiń 12 aımaǵy: Qaraǵandy, Qyzylorda, Aqmola, Pavlodar, Shyǵys Qazaqstan, Atyraý, Mańǵystaý, Soltústik Qazaqstan, Almaty, Aqtóbe, Túrkistan oblystarynyń, sonymen qatar Shymkent qalasynyń belsendileri atsalysty.
«Jazǵy qaıyrymdylyq kúni jáne oǵan arnalǵan ekoaksııa – marafon aıasynda ótip jatqan ekinshi is-shara. Budan buryn biz qasıetti Ramazan aıynyń qurmetine muqtaj jandardy qoldaýǵa arnalǵan aksııa ótkizgenbiz, oǵan iri sýpermarketter men dúkender qosylǵan edi. Ulttyq qaıyrymdylyq kúnin atap ótý aıasynda basqa da is-sharalardy uıymdastyrýdy kózdep otyrmyz. Ol eldegi marafonǵa qatysýshylardyń bárin biriktirer edi», dep josparlarymen bólisti «Azamattyq bastamalardy qoldaý ortalyǵy» KEAQ basqarma tóraǵasy Lıma Dıas.
Aýmaqty qoqystan, jartastardy jazbalardan, al sý qoımalaryn plastık bótelkelerden tazartý jumystaryn belsendiler eldegi eń tanymal týrıstik oryndarda atqardy. Atap aıtqanda: Qońyr Áýlıe úńgiri, Sibe kólderi, Rahman qaınarlary, Bólektaý taýy, Shaıtankól kóli, Em bulaq, Kaspıı teńiziniń jaǵalaýy, Imanqaranyń taýly ańǵarlary men keń baıtaq dalanyń basqa da oryndary tazartyldy.
«Keıbir aımaqtarda bastamashyl toptar ekoaksııany ótkizý úshin birneshe lokasııany alýdy usyndy. Máselen, Qaraǵandy oblysynda aýmaqty tazartý jumystary birden úsh orynda, al Shyǵys Qazaqstanda eki orynda júrgizildi. «О́z elimde iz qaldyrmaı Sayahattime» - Ile-Alataý nemese Qarqaraly ulttyq parkindegi jartastardy tazalaý sekildi sanaýly is-sharalardan bastalǵan osynaý aksııanyń respýblıkalyq aýqymdaǵy jobaǵa aınalǵanyna qýanyshtymyz. Sebebi osynyń arqasynda qoǵamnyń nazaryn ekologııa, bizdiń tabıǵatymyzdy saqtap, áýelgi qalpyn saqtaý sekildi mańyzdy máselelerge aýdartamyz», dep atap ótti Nur-Sultan qalasyndaǵy «Jana Dunie» qorynyń dırektory Ásel Álıeva.
Jyl basynan beri ekomarafonǵa 2,5 mln astam adam qatysyp, 167 myń adamǵa naqty kómek kórsetildi.
