Týrızm • 28 Shilde, 2021

Almaty týrızmi servıs, qaýipsizdik, ozyq tehnologııalar men ınvestısııaǵa táýeldi

96 ret kórsetildi

Ekinshi jylǵa ulasqan jahandyq pandemııa jurtty túgel tusaýlap otyra almaq emes. Indet týrızm salasynyń damýyn tejep tursa da, ebin tapqan jıhankezder taza aýa, taý, jańa áserler izdep álemniń ár túkpirinde júr.

Al óz taý, kólderimizdegi jazataıym oqıǵalardyń qaýpin azaıtý úshin Al­matyda 2019 jyldan beri taý tý­rıs­teri arasynda tanymal jerlerge mar­­shrýttyq avtobýstar iske qosylyp, vızıt-ortalyqtar qurylyp, jaıaý soq­paqtar abattandyrylǵan-dy. Qala bı­ligi týrıster men qutqarýshylarǵa ba­ryn­sha qolaıly jaǵdaılar jasaýǵa um­tylǵanymen, áli de rettelýi tıis sharýa­lar bar. Aldymen týrıster ózi qalaǵan ny­sandarǵa qalaı jetedi, áńgimeni osydan bas­taý kerek.

«Almaty aglomerasııasynyń taýly kýrorttarynda týrısterdiń kóbeıýin eskere otyryp, 2019 jyldyń naýryz aıy­nan bas­tap №209, №210, №211 baǵyt­tar boıyn­sha GAZ markaly 9 avtobýs júrgizilip, bular Balýan Sholaq Sport saraıynan Ski Park Pioneer men «Oı-Qaraǵaı–Lesnaıa skazka» taý kýrort­taryna deıin, sondaı-aq «Alma-arasan» shatqalyna deıin barady», dedi Almaty qalalyq Týrızm basqarmasy basshysynyń orynbasary Marlen Maralov.

Bıylǵy naýryz aıynan bastap Or­talyq stadıonnan bıik taýly «Aq bulaq» kýrortyna deıingi №224 baǵdar boıynsha taǵy úsh avtobýs iske qosyldy. Bul baǵyttar qazirdiń ózinde 80 myńnan astam adamǵa qyzmet kórsetken.

Sondaı-aq M.Maralov taý joldaryn abattandyrý men tórt kempıng aımaǵyn qurý máselesine qatysty: «Taýly jerlerdegi týrıstik ınfraqurylymdy jaqsartý maqsatynda myń shaqyrymnan astam jaıaý júrý marshrýttary sıfr­landyryldy, olardyń 500 shaqyrymy abattandyryldy. Barlyq sıfrlanǵan baǵyttar 2GIS jáne ViewRanger platformalarynda qoljetimdi», dedi.

Osy baǵyttar boıynda aqparattyq stendter, kórsetkishter, aqparattyq qal­qandar, aqparattyq baǵanalar, oryn­dyq pen kúrkeler ornatylǵan. Bar­lyq navı­ga­sııalyq stendterde QR-kod­tar bar, onda týrıster marshrýttyń kúr­deli­ligimen ári uzaq­tyǵymen jáne ótý ýaqytymen tanysa alady.

Bıyl Úlken jáne Kishi Almaty shat­qalynda jalpy uzyndyǵy shamamen 172 shaqyrym taý marshrýttaryn abattandyrý josparlanyp otyr.

Sondaı-aq Týrızm basqarmasy bas­shysynyń orynbasary bıyl úlken Al­maty kóliniń mańynda jalpy aýdany 950 sharshy metr jáne 800 sharshy metr vızıt-ortalyq pen glempıngtiń qurylysy bastalatynyn baıandady.

«Vızıt-ortalyqta sanıtarlyq-gı­gıenalyq torap, tamaqtaný pýnkti, jazǵy ter­rasasy men tegin Wi-Fi bar týrıstik aqparattyq ortalyq bolady. Onda árbir adam týrıstik baǵyttar, soqpaqtar týraly aqparattyq qyzmetterdi, ulttyq park aýmaǵyndaǵy nysandardyń baılanys derekterin, sondaı-aq barlyq qajetti jaılylyqtary bar glempıngterdi ala alady», dedi M.Maralov.

Budan basqa, 2022 jyly Qazaq Ayul aýmaǵynda «Medeý Park Otel» qonaqúı kesheniniń logıkalyq jalǵasy bolatyn glem­pıng-otel salý josparlanǵan, ol 15 úıden turady. Byltyr jeke qara­jat ese­binen «Aıýsaı» shatqalynda, «Go­relnık» jylý kózinen joǵary, «Me­deý» bazalyq ortalyǵy men Shym­bulaqtyń eń bıik núktesinde tórt vızıt-ortalyq sa­lynǵan edi.

Sapar ortalyqtarynda kelýshiler marshrýt kartalaryn alady jáne saıahatqa shyqpas buryn qajetti jabdyqty satyp alady. Eń bastysy, týrıster ózderi týraly jáne tańdalǵan baǵyt týraly barlyq aqparatty qaldyrady. Bul taýda joǵalý qaýpin azaıtady jáne qutqarýshylardyń jumysyn jeńildetedi. Aıta ketsek, sońǵy eki jylda TJD qyzmetkerleri 178 adamdy qutqarypty.

Smart-navıgatory men Wi-Fi-y bar kúrkeler

Týrızm basqarmasy alǵa tartyp otyr­ǵan málimetterge sensek, bıyl Almatyda taý týrısteriniń sany 4 esege artqan. Osy­­ǵan baılanysty ákimdik saıahatshylar qaýipsiz ári jaıly demalýy úshin qajetti jaǵdaılar jasaý josparyna sáıkes, taý­ly marshrýttardyń shalǵaı toraptyq ýchaskelerinde jaz sońyna deıin týrıster panalaıtyn 15 kúrke salýy tıis.

Árbir úıshikte izdestirý, qutqarý qyz­metteri úshin kartaǵa jáne GPS-koor­­dınattarǵa baılanǵan reperlik bas­tyr­ma da bolady. Tótenshe jaǵdaılar týyn­­daǵan kezde nemese aýa raıy kúrt qu­bylsa, bul úıshikterdi týrıster panalap, qajetti kómek jıyntyǵyn alýǵa múm­­kindik beredi. Bul kúrkelerden al­ǵash­qy medısınalyq kómek jınaǵy, mar­­shrýt kartalary, mobıldi quryl­ǵylar­dy zarıadtaý stansasy, jyly kórpe men bu­zyl­maıtyn azyq-túlik jıyntyǵyn tabýǵa bolady.

Úıshiktiń janyna SOS spýtnıktik sıgnalyn qutqarýshylar pýltine engizý júıesi bar dińgekter ornatylmaq. Diń­gekter shuǵyl áreket etý qyzmetterine qashyqtan qosylady (TJD/112).

Apat sıgnalyn berýge arnalǵan bar­lyq spýtnıktik jabdyqtar taýdaǵy úı­shik konstrýksııasyna biriktiriledi, son­daı-aq machtalar Wi-Fi fýnksııasymen jabdyqtalady. Bul júıe shalǵaı taýly marshrýttarda qıyn jaǵdaıǵa tap bolǵan tájirıbesiz týrısterge arnalǵan. Paıdalanýshy ınterfeısi mınımaldy-daýystyq qońyraý túımesi, beıne qo­ńy­raý kamerasy men birneshe tildegi nus­qaýlar bolady.

Qosymsha týrıstik navıgasııanyń biryńǵaı júıesin qurý men taýǵa shyǵýǵa arnalǵan smart-navıgator túrindegi qosymshany iske qosý boıynsha jumys júrgiziledi. Ol TJD bazasymen ıntegrasııalanady.

Sonymen birge bıyl Kishi jáne Úlken Almaty shatqaldarynda 2 baqylaý-qut­qarý pýnkti salynady. Alǵash ret qu­rylǵan 16 adamnan turatyn taý qut­qarý­shylarynyń jasaǵy táýlik boıy kezek­shilik etedi. «Tuıyqsý» shatqalynda qosymsha tikushaq alańy qurylady.

Týrızm qyzmetkerlerin daıarlaıdy

Osy shilde aıynda Almatyda bitken istiń biri – Qazaqstan-Shveısarııa týrızm jáne qonaqúı bıznesi ınstıtýtynda Shveısarııa baǵdarlamasy boıynsha týrızm qyzmetkerlerin daıarlaý bastaldy.

Aıtqandaı, Oqý ortalyǵynyń bazasynda Shveısarııa baǵdarlamasynyń stýdentteri ǵana emes, sonymen qatar Almaty tehnologııalyq ýnıversıteti men kolledjiniń meıramhana isi jáne qonaqúı bıznesi baǵdarlamasy boıynsha barlyq oqýshylar tájirıbeden ótedi.

Joba týrızm salasyndaǵy bolashaq mamandar úshin jańa jattyǵý bazasy bolady. Munda «Atameken» Ulttyq ká­sip­kerler palatasy, Jumyspen qamtý orta­lyǵy men kolledjder jasasqan «Jańa jumys oryndaryn qurý jáne jańa ma­mandyqtarǵa qaıta daıarlaý» kelisimi sheń­berinde daıarlaý men biliktilikti art­ty­rý ortalyǵynyń stýdentteri bilim alady.

Qazaqstan-Shveısarııa týrızm jáne qonaqúı bıznesi ınstıtýtynyń dırektory Ǵalııa О́tebekovanyń aıtýynsha, stýdentterdi qabyldaý 2021 jyldyń qyr­kúıeginde bastalady. Keshende bilim berý meıramhanasynda 10 nómirli shaǵyn qonaqúı qarastyrylǵan. Investısııa kólemi 750 mln teńgeni quraıtyn 10 ju­mys orny ashyldy.

Oqý meıramhana-qonaqúı kesheniniń maqsaty – týrızm, meıramhana jáne qonaqúı bıznesin basqarý salasynda zamanaýı bilim men praktıkalyq daǵdyǵa ıe, qazaqstandyq jáne sheteldik naryqta básekege qabiletti kásibı kadrlardy sapaly daıarlaý.

Jańa oqý ortalyǵy 30 oryndy qu­raıdy, ári qaraı 100 orynǵa deıin ke­ńeı­tilmek. Munda az qamtylǵan jáne kóp balaly otbasylardan shyqqan qala tur­ǵyndary, sondaı-aq múmkindigi shekteýli adamdar bilim alady. Sabaqtar master-klass formatynda ótkiziledi.

Taǵy bir qyzyǵy, aspazdyq sala­syndaǵy suranysqa ıe mamandyqtarǵa oqytý úshin Túrkııadan kásibı shef-kon­dıter Chetın Chalyshkan shaqyrylyp otyr. Oqý ortalyǵynyń túlekteri ju­mysqa ornalasý múmkindigine ıe bolady. Joba áleýmettik kásipkerlikti damytý aıasynda júzege asyryldy.

Seriktestermen baılanysty nyǵaıtý qajet

Osy shilde aıynda Almatyǵa ınves­torlardy tartý jáne ınvestısııalyq ahýal­dy jaqsartý jónindegi Keńestiń otyrysy densaýlyq saqtaý, týrızm sala­syn­daǵy seriktestermen baılanysty ny­ǵaıtý máse­lesin attap ótken joq.

Megapolıstiń ınvestısııalyq tar­tymdylyǵyn atap ótken Almaty qala­synyń ákimi Baqytjan Saǵyntaev Bú­kilálemdik banktiń reı­tınginde Almatynyń bıznesti júrgizý bo­ıynsha Qazaqstannyń barlyq óńiri ara­synda birinshi orynda turǵanyn málimdedi.

Osy jyldyń alǵashqy 6 aıynda Almatyda negizgi kapıtalǵa salynǵan ınvestısııa kólemi 126,5%-ǵa ósti jáne 460,7 mlrd teńgeni quraǵan. Sondaı-aq ótken jyl­dyń kúzinde Fitch agenttigi Al­maty qalasynyń BBB deńgeıindegi nesıelik reıtıngin bekitti jáne ınvestısııalar tartý máselelerinde operator bolyp tabylatyn «Almaty «ÁKK» AQ-na VVV deńgeıinde nesıelik reıtıng berildi, bul ınvestısııalar úshin táýekeldiń tómen deńgeıin kórsetedi.

EQDB-nyń Qazaqstandaǵy basshysy Agrıs Preımanıs osy Keńestiń birqatar ózekti máselelerdi, onyń ishinde sheteldik ınvestorlardy salyqtyq jáne kedendik ákimgerleý, vıza berý jáne kirýge ruqsat etý prosedýralaryn, tıisti ınfraqurylymdy qurý, jasyl ekonomıka qaǵıdattaryn engizý jáne sıfrlandyrý deńgeıin arttyrýǵa qatysty isterdi sheshýge múmkindik beretinin atap ótti.

Qazirge Almatyda týrızmdi tabys kózine aınaldyrý jolyndaǵy bitken isterdiń bir parasy osyndaı.

Sońǵy jańalyqtar

Álemdegi eń úlken muzdyq erip ketti

Ekologııa • Búgin, 11:05

15169 adam koronavırýs juqtyrdy

Koronavırýs • Keshe

Uqsas jańalyqtar