Ortalyq kommýnıkaııalar qyzmetinde Alekseı Soıǵa BAQ ókilderi tarapynan Qyrǵyz eline jiberilgen otandyq QazVac vaksınasy týraly saýal qoıyldy.
«О́ńirlerge QazVac vaksınasynyń 100 myń dozasy jetkizilip jatyr. Keı óńirlerge jetip te qoıdy. Sonymen qatar, 600 myń doza shyǵaryldy. Qazir bul ónim qaýipsizdik boıynsha tekserýden ótip jatyr. Tamyz aıynda ol dozalar da el óńirlerine jetkiziledi», dedi mınıstr AQ ókiliniń saýalyna bergen jaýabynda.
Sondaı-aq, ol Qyrǵyz Respýblıkasyna jiberilgen vaksına týraly da pikir bildirdi.
«Qyrǵyz Respýblıkasyna gýmanıtarlyq kómek týraly aıtsaq, kórshi el Memleket basshylyǵynan kómek suraǵan bolatyn. Qazaqstan ózi de gýmanıtarlyq kómek alyp otyrǵan jáne kómek kórsetetin el retinde kórshi, baýyrlas respýblıkaǵa járdem bergen bolatyn. Sondyqtan, bul Qazaqstannyń jetistigi deýge bolady. Bizdiń vaksına ózge elderde de qoldanylyp jatyr. Árıne, bizden kóbirek mólsherde suraǵan bolatyn. Jambyl oblysynda ózimizdiń óndiristik alańdy iske qosýdyń arqasynda siz ataǵan mólsherde kómek berdik. Qazir biz belgili bir óndiristik qýatqa kóshtik. Qosymsha 600 myń doza qoımada tur», dedi Alekseı Soı.
