26 jastaǵy Almaty oblysynyń týmasy áýeli áýesqoılar arasynda tanyldy. Birqatar iri halyqaralyq týrnırlerde jeńiske jetip, stýdentter arasynda álem chempıony atandy. 2016 jyly kásipqoı boksqa aýysyp, qatarynan 16 jekpe-jekte jeńiske jetti. 12 qarsylasyn uryp jyqty. Osynyń eleýli tabysynyń arqasynda ol byltyrǵy jyldyń sońynda IBO nusqasy boıynsha álem chempıony ataǵy úshin talasý múmkindigine ıe boldy. О́kinishke qaraı, Ahmedov 12 raýndta ekvadorlyq Karlos Gongoradan nokaýtpen utylyp qaldy. Mine, endi araǵa jeti aı salyp jerlesimiz qaıta sharshy alańǵa shyqqaly otyr.
AQSh-tyń Albýker qalasynda ótetin boks keshinde Álı Perý eliniń ókili Davıd Zegarramen kúsh synasady. «Pantera» degen búrkenshik esimge ıe bolǵan 36 jastaǵy qarsylasynyń kásipqoı rıngte júrgenine 16 jyldan asty. Sol kezden beri 39 kezdesý ótkizip, 34 ret jeńiske jetti. 21 básekeni merzimnen buryn aıaqtady.
