67 jastaǵy Máskeý oblysynyń týmasy 1992 jyldan beri bapkerlik qyzmetti kásip etýde. Ár jyldary ol Reseıdiń «Neftehımık» (Nıjnekamsk), «Satýrn» (Ramenskoe), «Lada-Sımbırsk» (Tolıattı), «Fabýs» (Bronnıs), «Chernomores» (Novorossısk), «Fakel» (Voronej), «Hımkı» (Hımkı) jáne Latvııanyń «Metallýrgyn» (Lıepaıa) jattyqtyrdy.
Desek te óziniń eń tabysty jyldaryn Muqanov Qazaqstanda ótkizdi. Aıtýly maman Qostanaıdyń «Tobyl», Astananyń «Jeńis» jáne Kókshetaýdyń «Oqjetpes» klýbynyń bas bapkeri boldy. 2006-2012 jyldar aralyǵynda ol «Aqtóbeniń» tizginin ustady. Dál sol kezderi aıtýly ujym elishilik jarystarda orasan zor tabysqa qol jetkizdi. Odan keıin de Muqanov Qazaqstanǵa qaıta oraldy.
Qazirgi kezde «Aqtóbe» Qazaqstan chempıonatynda sátsiz óner kórsetýde. 19 týrdan keıin 23 upaıdy ıelengen olar jarys kestesinde 10 oryndy ıelenýde. Bul jaǵdaıǵa qanaǵattanbaǵan komanda basshylary qaıta Vladımır Muqanovtyń kómegine júginýge májbúr bolyp otyr.
