COVID-19 vırýsynyń kezekti tórtinshi tolqyny tamyz aıynyń ortasyna, qyrkúıektiń basynda bastalady dep kútilýde.
Jandarbek Bekshınniń aıtýynsha, vaksına indettiń kúrdeli kezeńinen ótýge kómektesedi.
«Sońǵy aptada koronavırýsqa qatysty epıdemıologııalyq ahýal ýshyǵyp ketti. О́tken aptany aldyńǵymen salystyrǵanda KVI jaǵdaıynyń tirkelýi 1,4 esege – 5 790-nan 8 393 jaǵdaıǵa deıin ósti, táýliktik ósim - 1,5%. 23 shildeden bastap KVI-diń kúndelikti tirkeýi 1 myńnan asty jáne qazirdiń ózinde 1 450-di quraıdy. Osy aıda Almatyda 20 818 naýqas anyqtaldy, al jyl basynan beri 76 603 naýqas tirkeldi», dedi megapolıstiń bas sanıtar dárigeri.
Onyń aıtýynsha, shildedegi epıdemıologııalyq jaǵdaıdyń naqty boljamy - 27,5 myń, al is júzinde 2 myń jaǵdaıdy quraıdy.
«Almatyda COVID-19 kezekti tórtinshi tolqyny tamyz aıynyń ortasynda bastalyp, qyrkúıektiń basynda tómendeıdi dep kútilip otyr. Tamyz aıynda - 34,5 myń jaǵdaı, qyrkúıekte - 4,5 myń jaǵdaı bolady dep boljanǵan. 7 kún ishinde sımptomdy naýqastardyń úlesiniń artýy 89,4-ten 90,7%-ǵa deıin jalǵasty, bul SOVID-19 delta nusqasynyń tez taralǵanyn kórsetedi», dedi Almatynyń bas sanıtar dárigeri.
