Koronavırýs • 29 Shilde, 2021

Erteńin oılaǵan ekpe alady

63 ret kórsetildi

Elimizdiń Densaýlyq saqtaý mınıstrligi janyndaǵy Qoǵamdyq densaýlyq saqtaý Ulttyq ortalyǵy juqpaly aýrýlar profılaktıkasy departamentiniń dırektory Jumabek Bekenov Batys Qazaqstan oblysyna kelip, eńbek ujymdarynyń koronavırýsqa qarsy vaksına jaıly suraqtaryna jaýap berdi dep habarlaıdy Egemen.kz.

Jumabek Bekenov shildeniń 29-y kúni Oral qalasyndaǵy «QazArmaProm» jáne «Zenıt» zaýyttarynda bolyp, eńbek ujymymen kezdesti. Astanalyq maman álemdi ábigerge salǵan koronavırýstyń odan ári taralýyn toqtatý úshin vaksınalaýdyń mańyzy zor ekenin túsindirip, jumysshylardyń saýaldaryna jaýap berdi.

Batys Qazaqstan oblysy pandemııadan qatty zardap shekken aımaqtyń biri. Byltyrdan beri osy dertpen 30642 adam aýyrǵan, 518 adam ómirden ótken. Sondyqtan vırýstyń aldyn alatyn ekpe paıda bolǵanda, batysqazaqstandyqtardyń basym kópshiligi vaksına alýǵa nıet bildirdi. Sońǵy málimetke qaraǵanda óńirde 161063 adam koronavırýsqa qarsy vaksına alyp úlgergen. Sonyń ishinde 105588 adam ekpeniń tolyq komponentin qabyldaǵan.

Erteńin oılap, ekpe aldyrǵandardyń aldyńǵy shebinde úlken eńbek ujymdary turǵany qýantady. Máselen, bilim salasynda qyzmet etetin pedagog qyzmetkerler 2021 jyldyń naýryz aıynan vaksına ala bastaǵan edi. Kúni búgin oblys boıynsha bilim salasyndaǵy 35879 qyzmetkerdiń 25 182-i kovıdqa qarsy ekpe alyp bolǵan. Bul 81,8 %-dy quraıdy. Ekpe almaǵan 4061 adamnyń medısınalyq qarsy kórsetilimi bolsa, 1051 pedagog kovıdpen aýyryp, ekpe alýy keıinge qaldyrylǵan eken. «10 tamyzǵa deıin oblys pedagogtary 100 paıyz ekpe alady dep josparlap otyrmyz» deıdi oblystyq bilim basqarmasy basshysynyń orynbasary Svetlana Temirǵalıeva.

Aımaqtaǵy iri kásiporyn ujymdary da bul baǵytta belsendilik tanytyp otyr. Keıbir óndiris oshaqtarynda jumysshylardyń 90%-inen astamy vaksına alǵan.

Oral qalasyndaǵy «Kvant» jıhaz zaýytynda myńǵa jýyq adam jumys isteıdi. О́nimderin elimizdiń barlyq aımaǵyna jáne Reseı, Armenııa, Qytaı, Túrkııa sekildi shetelderge shyǵaratyn ujymnyń shamamen 95 paıyzy koronavırýsqa qarsy ekpe alǵan eken.

«Men adamdardy jappaı vaksınalaý durys dep oılaımyn. О́ıtkeni qaterli dertti qoǵam bolyp jeńýimiz kerek. Árıne, basynda bizdiń ujymda da júreksingender boldy. Biraq medısınalyq qyzmetkerler kásiporynǵa kelip, jumysshylarmen birneshe kezdesý ótkizdi. Osyndaı túsinik jumystarynan soń óz erkimen ekpe saldyrǵandar úlesi kúrt artty. Bizdiń fabrıkada osyǵan deıin eshkim indet juqtyrǵan joq. Degenmen barlyǵy saqtyq úshin osyndaı sheshim qabyldap jatyr» deıdi kásiporynnyń bas dırektory Mıhaıl Pshenıchnyı.

Bul pikirli osy zaýytta úsh jyldan beri operator bolyp qyzmet etip kele jatqan Dýman Naǵıev te qoldaıdy. «Ekpe – eń aldymen ózińniń qaýipsizdigiń úshin ǵoı. Sosyn aınalańdaǵy adamdardyń qaýipsizdigi úshin de jaýaptysyń. Sondyqtan osy kezge deıin almaǵan adamdarǵa ekpe alýǵa keńes beremin» deıdi qarapaıym jumysshy.

Batys Qazaqstan oblysyndaǵy belgili «Beles» nan ónimderi kombınatyda qyzmet etetin 225 adamnyń 195-i vaksına saldyryp, uıymshyldyq tanytyp otyr eken. Táýligine 20 tonna makaron, 260 tonna un óndirip, jergilikti naryqqa jáne Reseı, О́zbekstan elderine shyǵaryp otyrǵan kásiporyn qyzmetkerleri ózderiniń jáne tutynýshylarynyń densaýlyǵyna úlken jaýapkershilikpen qarap otyr.

Sońǵy jańalyqtar

Nar Narymbetov edi...

Qazaqstan • Keshe

«Omıkron» shtamy oqshaýlaıdy

Koronavırýs • Keshe

Portrettegi parasat

Elbasy • Keshe

Almatyda 5G jelisi iske qosyldy

Tehnologııa • Keshe

Uqsas jańalyqtar