Indýstrııalyq aımaqtyń ıgiligi

Múmkindigi mol jobalar

Aldymen Almaty ındýs­trııa­lyq aımaǵynyń jal­py aýdany 490 gektardy quraıtynyn, onyń 326 gektary paıdaly aı­maq­qa jatatynyn aıta ketý kerek. Infraqurylymǵa taǵy 164 ga jer bólingen. Búgingi tańda ınvestısııalyq jobalardy iske asyrý úshin 251,5 gektar jer be­ril­se, 74,5 gektary ázirge bos tur.

Qurylysy bıyl bastalǵan «Biotech Karal» kompanııasy – úı jan­ýar­lary­na arnalǵan bıotamaqty qos­palar men tyńaıt­qysh­tar ón­di­retin alǵash­qy za­ýyt­tyń biri. Birin­shi kezeńi 2022 jyly aıaqtalady. Qurylystyń ekinshi kezeńin 2024 jyly aıaqtaý josparlanyp otyr. Jobanyń quny 850 mln teńgeni quraıdy. Zaýyt 130 jańa jumys ornyn ashady. Kásiporynnyń qýattylyǵy jylyna 6,7 mln lıtr daıyn ónim shyǵarýdy kózdeıdi.

Al ekinshi «Lemonadoff Food» zaýyty jylyna 15 mln lıtr kóleminde alkogolsiz sýsyn shyǵara otyryp, 50 jumys ornyn jasaqtaýy tıis. Joba quny 316 mln teńgeni quraıdy.

Úshinshi nysan – «Sartaı Energo Servıs» avtoklavty gazbloktar men qu­ry­lys materıaldaryn shyǵaratyn za­ýyt qurylysy. Bul kompanııa «K7 Group» holdınginiń quramyna kiredi ári Batys Qazaqstannyń jyljymaıtyn múlik naryǵynyń ókili. Almatydaǵy zaýyt alıýmınıı vıtrajdaryn, plastıkalyq terezelerdi, avtoklavty gazbloktardy, vıtrajdardy shyǵarady.

Usynylǵan zaýyttar tizi­min­de «ABM Building 2007» de bar. Munda kabeldik-ótkizgish ónim shyǵarylady.

Indýstrııalyq aımaqta 2023 jylǵa qa­raı metall qu­ry­­lym­dary men po­lı­­­etı­len qubyrlaryn shy­ǵa­ra­tyn «Burǵan-2005» óner­ká­siptik ke­she­ni sa­ly­­­nady. Qazirgi ýaqyt­ta kompanııa qa­zan­­dyq, týrbı­na­lyq, elektr teh­nı­ka­lyq, hı­mııalyq jab­dyqtarǵa, ba­qylaý jú­ıe­sine, ava­rııa­ǵa qarsy qor­ǵaýǵa qyzmet kór­se­­tý­men qatar, qu­ry­lys ma­terıal­­daryn óndirý, kótergish jáne qor­shaý konstrýksııalaryn salýmen aınalysady. Almaty ındýstrııalyq aımaǵynda kompanııa me­tall qury­lym­dary men polıetılen qu­byr fıtıngterin shyǵaratyn zaýyt salýdy josparlap otyr. Jobanyń quny 2 mlrd teńgeni quraıdy. 90-ǵa jýyq jumys orny ashylady.

Azyq-túlik baǵasyn aspandatpaý sharalary

Shildeniń alǵashqy aptasynda tuty­ný baǵalarynyń ındeksi 0,4%-ǵa tómen­de­geni baıqaldy, bul qala pozısııasyn 4 tarmaqqa (5-ten 9-ǵa) tómendetýge múm­kin­dik berdi. Bul kórsetkishke jetý ońaı bolǵan joq. Jedel jáne strategııalyq sharalar qabyldaýǵa kóp kúsh salyndy. Osy maqsatqa shamamen 8 mlrd teńge bólingenin aıtsaq ta jetkilikti. My­saly, Magnum Cash & Carry JShS-ǵa 12 ataýly áleýmettik mańyzy bar azyq-túlik taýarlaryn jyldyń sońyna deıin belgilengen baǵamen alýǵa jáne uıymdastyrýǵa 3,1 mlrd teńge bólindi.

Qarasha aıyna deıin 10 áleý­mettik mańyzdy azyq-túlik­tiń ba­ǵa­syn ustap turý úshin «Toı­mart» saýda jelisi 245 mln teńgeni osy maqsatqa paıdalanady.

1 mlrd teńge – 23,8 myń tonna nan­dy belgilengen naqty baǵa­sy­men jet­ki­z­ý úshin Aqsaı «HBK» JShS-na osy jyldyń jeltoqsan aıyna deıin berildi. 800 mln teńge «Alsad Qazaqstan» JShS-na 49,6 mln jumyrtqany 3 jyl boıy belgilengen baǵasy 400 teńgeden qamtamasyz etip otyrýy úshin bólindi. Union Products JShS-na 250 mln teńge 2 730 tonna et ónimin (1365 tonna sıyr eti men taýyq eti) 132 dúkenge belgilengen baǵa boıynsha (2050 – sıyr eti, 782 tg – taýyq eti) 2022 jyldyń naýryzy­na deıin jetkizýi úshin berildi.

«Asyl Meat» JShS-nyń 6 fırmalyq dúkenderine 2022 jyldyń maýsymyna deıin kılosy 2050 teńgeden 90,5 tonna sıyr etin jetkizip otyrýy úshin 88 mln teńge aldy. Bulardan bólek, 255 tg/kg-nan 5 myń tonna qant jetkizý úshin iri qant óndirýshi – «Merki qant zaýytyna» «aınalym» zaemyn berý pysyqtalyp jatyr.

Qalanyń jeti negizgi azyq-tú­lik baza­rynda «Áleýmettik dú­kender» jumys isteıdi. Bul bazar­larda kúndelikti qa­jet­ti azyq-túlik naryqtyq baǵadan tó­men baǵamen satylady.

Bıyl Almaty qalasy men Almaty oblysy óńiraralyq kooperasııa ózara mámilege kelgen bolatyn. Almaty oblysyna sapardyń arqasynda «JLC Sút» JShS-men «Magným» saýda jelisine sút, súzbe ónim­derin jetkizý jóninde kelisim ja­sal­­dy. Sonymen qatar Naz-Dana ShQ Small jáne Toimart saýda jelilerine 1 tonna pııaz jetkizedi. «Alataý qus» kompanııasynan kılosy 820 teńgeden aspaıtyn 1200 tonna taýyq etin satyp alýǵa ónim jetkizý úshin 1 jylǵa 1 mlrd teńge somasyna «aınalym» qaryzyn berý máselesi qaralyp jatyr.

Sonymen qatar, kartop pen sábiz ba­ǵa­synyń ósýine baılanys­ty jedel túrde Túrkistan ob­ly­synan kókónisterdi tikeleı jet­kizý máselesi sheshildi. Bul kar­topqa kóterme baǵany 260 tg/kg-nan 125 tg/kg-ǵa deıin, sábizge 450 tg/kg-nan 200 tg/kg-ǵa deıin tómendetýge múmkindik berdi. Bolashaqta naryqtyń tolyǵýyna baı­lanysty baǵany tómendetý úrdisi saqtalady.

2021-2022 jyldary maýsym­ara­lyq kezeńde «Magným» jáne basqa da saýda jelilerinde satý úshin 2,5 mlrd teńgege 22 myń ton­na kókónisti satyp alýǵa «for­vard­tyq» kelisim jasaldy.

ALMATY