– Sonyń biri – Atyraý qalasynyń ár bóligine esirtki jasyrdy degen kúdikpen ustalǵan 27 jastaǵy jigit. Kúdiktiniń ýaqytsha mekenjaıyn tintý kezinde untaq tárizdi zat, esirtki dozalaryn ólsheıtin túrli quraldar tabylyp, tárkilendi. Tergeýden soń kúdikti qala aýmaǵynyń úsh núktesinde ózi jasyrǵan 60 dozany quraıtyn esirtkini kórsetti. Saraptama qorytyndysymen esirtki-pırovaleron ekeni anyqtaldy, – deıdi oblystyq Polısııa departamentiniń bastyǵy, polısııa polkovnıgi Qamza Úmbetqalıev.
Onyń aıtýynsha, esirtkini taratýshylar qataryndaǵy taǵy bir jas jigit anyqtalǵan. Áli eki múshelge tolmaǵan jigittiń páterinen jalpy salmaǵy
1 kılo sıntetıkalyq esirtki zaty tabylǵan.
– «Qarasora-2021» jedel aldyn alý is-sharasy kezinde Oral qalasynan kelip, sıntetıkalyq esirtki satpaq bolǵan 1998 jáne 1999 jyly týǵan eki kúdikti ustaldy. Olardan zıp paketterge oralǵan sıntetıkalyq esirtkiniń 46 túıiri tabyldy. Kúdiktilerdiń jalǵa alǵan páterinen eki paketke oralǵan sıntetıkalyq esirtki zaty men 100 dana daıyn betbelgi tárkilendi. Nátıjesinde, jalpy quny 24 mıllıon teńgege jýyq sıntetıkalyq esirtkiniń bir rettik 2 400 dozasy zańsyz aınalymǵa jiberilmedi, – deıdi
Q.Úmbetqalıev.
Al shekarashylar Qurmanǵazy aýdanyndaǵy Safon aýyldyq okrýginiń aýmaǵynda 3 gektarǵa ósirilgen esirtki alqabyn anyqtady. Esirtki alqabynda 50 myń túp qarasora ósimdigi ósirilgen.
– Esirtki ósimdigin ósirýge atústi qaramaý qajet. О́ıtkeni 20-35 jas aralyǵyndaǵy jastardyń esirtki ónimderine qyzyǵýshylyq tanytýy túıtkildi máselege aınalyp otyr. Qurmanǵazy aýdanynda esirtki ónimderin satýǵa qatysty 6 qylmys tirkelgen. Sol sebepten, esirtki ónimderin tamyrymen joıyp, kontrabandalyq qylmystardyń aldyn alý maqsatyndaǵy jumystar jalǵasa beredi, – deıdi Shekara qyzmeti Atyraý oblystyq departamentiniń baspasóz hatshysy О́mirbat Aıtáli.
Atyraý oblysy
