Endi mádenıet jáne sport salasynyń qyzmetkerleri New York Film Academy, University of the Arts London, Scuola Musicale di Milano jáne t.b. sheteldik jetekshi joǵary oqý oryndarynda taǵylymdamadan óte alady.
Ártister, rejısserler, sýretshiler, ónertanýshylar bir jyl boıy «Art-menedjment», «Dızaın. Sýret», «Dırıjerleý», «О́nertaný», «Ssenografııa» jáne taǵy da basqa mamandyqtar boıynsha oqı alady.
Dene shynyqtyrý jáne sport salasynyń mamandary «Sporttyq psıhologııa», «Sporttyq medısına», «Sporttyq quqyq» sııaqty baǵyttar boıynsha biliktilikterin arttyra alady.
«Buryn mádenıet jáne sport salasynyń qyzmetkerleri «Bolashaq» baǵdarlamasy boıynsha taǵylymdamadan ótpegen. Elimizde osy salalardyń damýyn qoldaý maqsatynda qajetti jumystar jasaldy. Endi mádenıet jáne sport mamandarynda álemniń bedeldi sheteldik joǵary oqý oryndary men uıymdarynda ózderiniń kásibı deńgeıin arttyrý múmkindigi bar. Krıterıılerge keletin bolsaq, úmitkerlerdiń keminde úsh jyl jalpy jumys ótili, onyń ishinde sońǵy 12 aı tańdaǵan mamandyǵy boıynsha jumys ótili bolýy tıis. Sondaı-aq qabyldaýshy sheteldik uıymnan shaqyrtýdyń, V1 deńgeıinen kem emes nátıjesi bar til boıynsha emtıhan tapsyrǵany týraly sertıfıkattyń bolýy mindetti», dep túsindirdi QR BǴM Halyqaralyq baǵdarlamalar ortalyǵy prezıdentiniń m.a. Danııar Muqıtanov.
Stıpendıattar taǵylymdamadan ótý úshin kepilge jyljymaıtyn múlik qoımaıdy. Mindettemelerdiń oryndalýyn qamtamasyz etý úshin sońǵy 12 aı ishinde turaqty tabysy bar eki 50 jasqa deıingi Qazaqstan azamatyn kepilger retinde usyný jetkilikti.
2021 jyly densaýlyq saqtaý, mádenıet, sport salasynyń qyzmetkerleri, pedagogter, memlekettik qyzmetkerler, ınjener-tehnıkterdiń taǵylymdamadan ótýi úshin 110 «Bolashaq» stıpendııasy bólingen.
Esterińizge sala keteıik, halyqaralyq stıpendııany taǵaıyndaý konkýrsyna qatysý úshin qujattardy qabyldaý 4 mamyrda bastalyp, 28 qazanǵa deıin jalǵasady.
