Keńeske memlekettik organdardyń basshylary, barlyq óńirdiń ákimdikteri, «Atameken» Ulttyq kásipkerler palatasy jáne Ashyq jobasynyń kóshbasshylary qatysty.
Qazir Ashyq júıesinde 45 myńnan asa kásipkerlik obektisi jumys isteıdi, 4 mln astam paıdalanýshy tirkelgen. Ashyq jobasy engizilgen sátten bastap «qyzyl» jáne «sary» mártebesi bar 23 myńnan asa kelýshi anyqtaldy. Onyń ishinde 13 516 azamattyń oń PTR-testi bar jáne 9 688 azamat naýqastarmen qarym-qatynasta bolǵan.
Vıse-premer elimizdegi epıdemııalyq jaǵdaı óte kúrdeli ekenin, barlyq óńir «qyzyl aımaqta» turǵanyn atap ótti. Elimizdiń emdeý stasıonarlaryndaǵy tósek-oryndarynyń tolymdylyǵy 54%-ǵa jetti. Densaýlyq saqtaý júıesi ótken jylmen salystyrǵanda eki ese kóp júktememen jumys isteýde.
Koronavırýs ınfeksııasyn taratpaý jónindegi jaǵdaıdy basqarý, kásipkerler tarapynan eldegi kúrdeli jaǵdaıǵa túsinistikpen qaraýy jáne járdemdesýi pandemııamen kúreste óte mańyzdy faktor bolyp tabylady. Ashyq júıesi aıasyndaǵy jumys áleýmettik-ekonomıkalyq nysandardaǵy sanıtarlyq-epıdemııalyq jaǵdaıdy baqylaýǵa alyp qana qoımaı, bıznestiń fýnksıonalyn joǵaltpaýǵa, jumys oryndaryn saqtaýǵa múmkindik berdi. Bıznes ókilderi óz tarapynan karantın jaǵdaıynda jumys isteýge múmkindik bergeni úshin alǵys bildirip, ózderine alǵan mindettemelerdi odan ári saqtaýdy jalǵastyratynyn jáne áriptesterin de osyǵan shaqyratyndaryn jetkizdi.
«Biz ekonomıkanyń damýyn, sondaı-aq 2 mln-nan asa adam jumys isteıtin qyzmet kórsetý sektoryndaǵy shaǵyn jáne orta bıznestiń jumysyn toqtatpaý úshin árqashan kásipkerlerdiń adal jumysyn ustanamyz. Memlekettiń senimdi ári jaýapkershilikti bızneske qoldaý bildirgenine rızamyz», dedi «Atameken» UKP basqarma tóraǵasy A.Myrzahmetov.
Sondaı-aq kásipkerler eki aptanyń monıtorıngi boıynsha 2-9 tamyz aralyǵynda úzdik kórsetkishterge ıe bolǵan júıe kóshbasshylaryna demalys kúnderi jumys isteýge múmkindik berýdi qarastyrý týraly bastama kóterdi. Budan bólek Ashyq jobasy kóshbasshylarynyń qoǵamdyq qozǵalysyn qurý týraly sheshim qabyldandy.
E.Toǵjanov memleket ShOB jaýapty nysandarynyń jumysy úshin barlyq jaǵdaıdy jasaıtynyn aıtty. Tabys tabý men azamattardyń densaýlyǵyn qorǵaý arasyndaǵy tepe-teńdikti tabý qajettiligine shaqyrdy.
Sondaı-aq ol qalypty ómir tirshiligine qaıta oralýdyń jalǵyz joly – vaksına alý ekenin jáne ujymdyq ımmýnıtetti qalyptastyrý úshin vaksına alýdyń mańyzdylyǵy týraly keń aqparattyq saıasat júrgizý kerektigin atap ótti.
Kezdesýdi qorytyndylaı kele, Premer-mınıstrdiń orynbasary jaýapty memlekettik organdar men ákimdikterge «Atameken» UKP-men birlesip, barlyq aıtylǵan bastamalardy pysyqtaýdy jáne qajet bolǵan jaǵdaıda koronavırýs ınfeksııasynyń taralýyna jol bermeý jónindegi VAK otyrysynda kelisilgen usynystardy engizýdi tapsyrdy.
