Saıasat • 02 Tamyz, 2021

Mal azyǵy máselesin sheshý pysyqtaldy

86 ret kórsetildi

Issaparmen Qyzylorda oblysyna barǵan Aýyl sharýashylyǵy mınıstriniń mindetin atqarýshy Erbol Qarashókeev aldymen qurǵaqshylyqtan zardap shegip, tótenshe jaǵdaı jarııalanǵan Aral aýdanyna at basyn burdy, jergilikti halyqpen jáne sharýashylyq basshylarymen kezdesti. Bul týraly atalǵan mınıstrliktiń baspasóz qyzmeti habarlady.

Mınıstrdiń mindetin at­qarý­shy mal azyǵymen qamta­ma­­syz etý máselelerin sheshýdi jyl­dam úılestirý úshin Aýyl sharýa­shy­lyǵy mınıstrligi janynan Res­pýb­­lıkalyq jedel shtab quryl­ǵa­nyn aıta kelip, mınıstrliktiń bas­­tamasymen Úkimet deńgeıinde iske asy­r­ylatyn sharalardy atady.

«Birinshiden, Úkimet rezer­vi­nen Qy­zyl­orda obly­syn­daǵy qur­ǵaq­­shy­lyq­tan zardap shekken shar­ýa­­lardyń qystaǵy­na jetkiziletin mal azyǵynyń qunyn arzandatý úshin ótken aptada 1,7 mlrd teńge bólindi. Qazir osy qara­jatty barlyq sharýa qojalyq­taryna tamyz aıynyń ishinde jetkizý qajet. Ekinshiden, Azyq-túlik kelisim­shart korporasııasy 490 tonna arpany naryqtaǵydan tómen baǵamen satty. Jalpy bıyl jemdik astyq qoryn 370 myń tonnaǵa jetkizý jos­pary­myzda bar. Úshinshiden, fer­mer­lerdiń jemshóp daıyndaýyna qo­symsha arzandatylǵan janar-jaǵar­maı bólinetin boldy. Qazir energetıka mınıstrligi­men barlyq másele pysyqtaldy. Tamyz aıynan bastap oblystarǵa suratylǵan lımıtteri boıynsha jetkiziledi. Qyzylorda oblysyna 3,8 myń tonna lımıt bólindi», dedi E.Qarashókeev.

Vedomstvo basshysynyń aıtýynsha, Ekologııa mınıstrligimen tabıǵı rezervat jerlerine mal jaıý jáne shóp shabý jóninde ke­lisim jasaldy. Osyǵan baıla­nys­ty qoryqtar jerinen shóp shabý jáne mal jaıý máselesi sheshildi. Sonymen qatar qazirgi jaǵdaıǵa baılanysty fermerlerge qoldaý kórsetý úshin mal sharýashylyǵyn damytýǵa alǵan nesıe tólemderin keıinge shegerý jóninde sharalar qabyldanady.

«Buǵan qosa mınıstrlik tarapynan jaqynda mal sharýa­shylyǵyn sýbsıdııalaý erejesine engizilgen ózgeristerge sáıkes oblys boıynsha byltyr mal azyǵyna sýbsıdııa ala almaı qalǵan sharýa qojalyqtarynyń rezervtegi ótinimderi qanaǵattandyrylatyn boldy. Bul maqsatqa oblys bıýd­jeti­nen 390 mln teńge qarajat ta bólin­gen. Osy másele boıynsha aýyl sharýa­shylyǵy basqarmasy tez arada sheshim qabyldaýy qajet. Sodan keıin basqa óńirlerden mal azy­ǵyn tasymaldaýǵa temir jol ta­rı­fine arnaıy jeńildikter berý b­oıynsha Qazaqstan temir joly kom­pa­nııasynyń sheshimi shyqty», dedi mı­nıstrdiń mindetin atqarýshy.

Taǵy bir aıta ketetin jaıt, Aýyl sharýashylyǵy mınıstrligi men «Báıterek» holdıngi birlesip qo­sym­­sha mal azyǵyn daıyndaıtyn teh­nıka satyp alýdy qarjy­lan­dy­rý jáne sýarmaly jerdi ıgerý­ge qajet quryl­ǵylardy satyp alý­ǵa nesıe berý máse­l­esin de qarastyrady.

E.Qarashókeevtiń aıtýynsha, jalpy Qyzylorda oblysy bo­ıynsha mal azy­ǵy­men qamtamasyz etý úshin ishki múmkindikti tolyq paıdalanyp jaǵdaıdy sheshýge bolady. «Aýdandar boıynsha, eldi mekenderde shóp shabý brıgadalaryn qurý qajet. Osy eki kún ishinde barlyq aýdannyń jaǵ­daımen tanysyp jedel sheshý­di qajet etetin máselelerdi saralaımyz», dedi ol.

Sondaı-aq vedomstvo basshysy Jalaǵash, Syrdarııa, Shıeli jáne Jańaqorǵan aýdandaryn aralap, aýyl sharýashylyǵy taýaryn ón­dirý­shilermen kezde­sip, búgin­gi tynys-tir­shiligi­men tany­­syp, ótinish-tilekterin de tyńdaıdy.

 

Sońǵy jańalyqtar

Asyl aǵanyń sharapaty

Rýhanııat • Búgin, 00:08

Barlyq saladaǵy kórsetkishter saralandy

Aımaqtar • Búgin, 00:02

Quımaqulaq

Rýhanııat • Keshe

Qoǵamnyń biteý jarasy

Qoǵam • Keshe

Gaz baǵasy nege qymbat?

Aımaqtar • Keshe

Erbosynulyn aýyr synaq kútip tur

Kásipqoı boks • Keshe

Uqsas jańalyqtar