Aımaqtar • 02 Tamyz, 2021

Almatyda indet juqtyrǵan 240 bala aýrýhanalarǵa tústi

51 ret kórsetildi

Almatyda indet juqtyrǵan 240 bala aýrýhanalarǵa tústi, dep habarlaıdy Egemen.kz.

Búgin, ıaǵnı 2 tamyzda Almaty qalasy Qoǵamdyq densaýlyq basqarmasy taratqan málimetter tómendegideı.

Megapolıste sońǵy táýlikte koronavırýstyq ınfeksııanyń 1540 jańa jaǵdaıy tirkeldi (jergilikti), onyń 1404 sımptomdyq belgileri bar jáne 136 sımptomsyz. Aýrýhanalardan emdelip shyqqandar sany – 198 bolsa, esesine, kelip túskeni – 439 adam.

Infeksııalyq stasıonarlarda (7 045 tósek-oryn) jalpy sany 4 930 adam, onyń ishinde 240 bala emdelip jatyr. Jalpy reanımasııa jáne qarqyndy terapııa bólimshelerinde 310 naýqas jatyr.

Búgingi tańda BMSK men Telemedısına ortalyǵy dárigerleriniń baqylaýynda 10 070 naýqas baqylaýda, olardyń ishinde jeńil jáne ortasha aýyrlyq dárejesinde 9564, sımptomsyz 506 naýqas bar ekendigin aıta ketý kerek.

Almaty qalasy boıynsha 1 tamyzda  4 971 adam vaksına aldy.

Aqpan aıynan beri qala boıynsha 1-komponentty 725 575 adam vaksınasııalanǵan.  Vaksına alǵandardyń ishinde 60 jastan asqan qart kisiler  sany 99 587-ge jetti.

Aınash ESALY,

«Egemen Qazaqstan» 

ALMATY

Sońǵy jańalyqtar

Uqsas jańalyqtar