Senat depýtaty «Razdolnoe – Svobodnoe – Esil» avtojolyndaǵy kópir qurylysynyń barysyn qarap, Buzylyq aýyldyq okrýginiń jańadan saılanǵan ákimimen kezdesti. Dáýren Ádilbekov jergilikti mańyzy bar máselelerdi ýaqtyly sheshý qajettigine ákimniń nazaryn aýdardy.
Senator eger qazirgi kúrdeli máseleler jergilikti deńgeıde sheshilmeıtin bolsa, onda olardy sheshýge atsalysýǵa ázir ekenin atap ótti. О́ńirdegi sondaı problemalardyń biri – jol qurylysynyń sapasy. Osyǵan oraı, senator «Buzylyq – Almaty» avtomobıl jolyn jóndeý jumystarynyń barysyn tekserdi.
«О́ńir turǵyndary maǵan osy avtomobıl joly ýchaskesin jóndeý qajettigi týraly aıtqan bolatyn. Sondyqtan qazir avtomobıl joldary basqarmasy men merdiger uıymdar osy jumystardyń bárin ýaqytynda aıaqtaýy mańyzdy dep sanaımyn. Ekinshi jaǵynan, qoǵamdyq baqylaýdyń da mańyzy zor», dedi senator.
Dáýren Ádilbekov Jarqaıyń aýdanynda Krýpskaıa atyndaǵy mekteptiń jańa oqý jylyna daıyndyq barysymen tanysty jáne jergilikti sharýa qojalyqtarynyń birinde boldy. Senator mal azyǵyn ýaqtyly daıyndaýdyń jáne aýyl sharýashylyǵy tehnıkasyn aldaǵy egin jınaý naýqanyna ázirleýdiń mańyzdy ekenin atap ótti.
Senator sapar barysynda qurylys alańdarynda boldy jáne Jaqsy aýdanynyń qaıta óńdeý kásiporyndarynyń jumysymen tanysty.
