Saıasat • 03 Tamyz, 2021

Adam saýdasyna qarsy kúres kúsheıedi

32 ret kórsetildi

Eńbek jáne halyqty áleýmettik qorǵaý mınıstri Serik Shápkenov pen Halyqaralyq kóshi-qon uıymynyń (HKU) Qazaqstandaǵy ókildiginiń basshysy, Ortalyq Azııadaǵy HKU úılestirýshisi Zeınal Gadjıev Eńbek kóshi-qony jáne adam saýdasyna qarsy kúres máseleleri jónindegi yntymaqtastyq týraly memorandýmǵa qol qoıdy.

Qujatqa taraptardyń onlaın kelissózderiniń qorytyndysy boıynsha qol qoıyldy, onyń barysynda ózara is-qımyldyń negizgi máseleleri talqylandy.

Eńbek jáne halyqty áleý­met­­tik qorǵaý mınıstri Serik Sháp­kenov 30 shildede atap ótile­tin Dúnıejúzilik adam saýdasyna qarsy kúres kúniniń mańyzyn, Qazaq­stannyń Halyqaralyq kóshi-qon uıymymen qarym-qaty­nasy syndarly jáne ózara tıim­di yn­tymaqtastyq arnasynda da­myp kele jatqanyn atap ótti.

Vedomstvo basshysy óz sózin­de múddeli memlekettik oryn­dar­dyń adam saýdasyna qar­sy is-qımyl jónindegi ózara is-qı­mylyn úılestirý úshin Qazaq­standa quramyna HKU ókilderi kiretin tıisti vedomstvoaralyq komıssııa jumys isteıtinin málimdedi.

«Bıyl 24 aqpanda Úkimet adam saýdasyna baılanysty qyl­mystyń aldyn alý, boldyrmaý jáne oǵan qarsy kúres jónindegi 2021-2023 jyldarǵa arnalǵan is-sharalar josparyn bekitti. Osy jospardyń bir tarmaǵyn iske asyrý sheńberinde «Qazaqstan Respýblıkasynda adam saýdasyna qarsy is-qımyl týraly» zań jobasyn ázirleý týraly másele qaralýda. Budan basqa, Qazaqstan Respýblıkasynyń Áleýmettik kodeksi tujyrymdamasynyń joba­syna adam saýdasynyń qur­bandaryna arnaýly áleýmettik qyzmet kórsetýdi kózdeıtin bap engizilgen», dedi S.Shápkenov.

Sonymen qatar mınıstr kóshi-qon salasyndaǵy, atap aıt­qanda Qazaqstannyń Kóshi-qon saıasatynyń 2022-2026 jyldarǵa arnalǵan tujyrymdamasynyń jobasyn ázirleýdegi yntymaq­tas­tyǵy úshin HKU tarapyna alǵysyn bildirdi.

«Osy jyly 19 shildede Mem­leket basshysy «Qazaqstan Res­pýb­lıkasynyń memlekettik bas­qarý júıesin odan ári jetildirý jónindegi sharalar týraly» Jar­lyqqa qol qoıdy, onyń sheń­berinde 2022 jylǵy 1 qańtar­dan bastap Eńbek jáne halyq­ty áleýmettik qorǵaý mınıstr­ligine Ishki ister mınıstrli­giniń halyqtyń kóshi-qony salasyn­daǵy, sondaı-aq bosqyndar máse­leleri jónindegi 22 fýnksııa­sy men ókilettigin berý kózdelgen. Osy Jarlyqty iske asyrý maq­sa­tyn­da mınıstrlik janynan kóshi-qon salasyndaǵy jeke ko­mı­tet qurý jaıy qaralýda», dedi ol.

S.Shápkenov 1998 jyldan qoldanystaǵy kelisimdi almastyratyn QR Úkimeti men Halyqaralyq kóshi-qon uıymy arasyndaǵy yntymaqtastyq týraly jańa kelisim Halyqaralyq sharttar jasasýdyń 2021 jylǵa arnalǵan josparyna engizilgenin habarlady. Qazirgi ýaqytta kelisim jobasy memlekettik organdarda kelisilýde.

О́z kezeginde Zeınal Gadjıev el Úkimetine yntymaqtastyq úshin alǵysyn bildirdi, sondaı-aq HKU tarapynan Qazaqstanǵa kóshi-qon jáne adam saýdasyna qarsy is-qımyl máselelerin sheshýde aldaǵy ýaqytta da qajetti kómek kórsetýge daıyn ekenin bildirdi.

«О́zara kúsh-jigerimizben yntymaqtastyǵymyzdy jańa sa­pa­ly deńgeıge shyǵara alaty­ny­myzǵa senimdimin», dedi Halyq­ara­lyq kóshi-qon uıymynyń Qazaq­standaǵy ókildiginiń basshysy.

Taraptar jasasqan memorandým aqparat almasýdy; eńbek kóshi-qony jáne adam saýdasyna qarsy kúres salalarynda túrli is-sharalar ótkizýdi; kóshi-qon saıasatynyń strategııasyn qalyptastyrý máseleleri boıynsha keńesýdi; ózara qyzyǵýshylyq týdyratyn máseleler boıynsha ǵylymı zertteýler júrgizýdi kózdeıdi. Tıisti memorandým halyqaralyq shart bolyp tabylmaıdy jáne taraptardyń eshqaısysy úshin qandaı da bir quqyqtyq jáne qarjylyq mindettemeler júktemeıdi.

 

Sońǵy jańalyqtar

Aqtaýda er adam bıikten qulap mert boldy

Aımaqtar • Búgin, 10:53

Sport jańalyqtaryna sholý

Sport • Búgin, 09:11

Bárimiz bir aspannyń astyndamyz

О́ner • Búgin, 09:10

Sýretshiler úıi ashyldy

Aımaqtar • Búgin, 09:08

Bal bulaq bolyp aqty

Aımaqtar • Búgin, 09:07

Ońaılyqpen em qonbaıdy

Medısına • Búgin, 09:05

Bárekeldi, Vıktorııa!

Sport • Búgin, 09:02

Taı elinde qola medal buıyrdy

Sport • Búgin, 09:00

Seısenbige arnalǵan aýa raıy boljamy

Aýa raıy • Búgin, 08:57

Mazmun men sapaǵa mán berilse

Bilim • Búgin, 08:55

Atyraý oblysy «sary» aımaqqa ótti

Koronavırýs • Búgin, 08:54

Salada sheshimin tabar is kóp

Bilim • Búgin, 08:52

Bala súıý – baqyt

Qoǵam • Búgin, 08:50

Qamba toldy astyqqa...

Aımaqtar • Búgin, 08:49

Barlyq salada ósim bar

Aımaqtar • Búgin, 08:47

Erekshe balalardy elegender

Aımaqtar • Búgin, 08:43

Biligin shyńdaǵan isten jańylmas

Aımaqtar • Búgin, 08:41

Qansha qazaqstandyq vaksına saldyrdy?

Koronavırýs • Búgin, 08:40

Ornyqty damý kórinisi

Qazaqstan • Búgin, 08:33

1387 adamnan koronavırýs anyqtaldy

Koronavırýs • Búgin, 08:22

Aldyn alsa, qaterli isik emdeledi

Medısına • Búgin, 08:18

Rýhanı qazynanyń qaınary

Qazaqstan • Keshe

Antoshka men Chýnga-Changa

О́ner • Keshe

Aǵa-dosty ańsaý

О́ner • Keshe

Atyraýsha aqsha «asaý»

Aımaqtar • Keshe

Uqsas jańalyqtar