Uzaq merzimdi kredıttik reıtıng boıynsha Qazaqstandaǵy boljam – «Turaqty». Ol eń joǵary yqtımaldyq úlesimen 12-18 aı aralyǵynda reıtıngtiń ózgermeıtinin boljaıdy.
AKRA jańartylǵan esebine sáıkes, baǵalaý turaqtylyǵynyń faktorynda aǵymdaǵy jylda ekonomıkanyń ósý qarqyny, ulttyq ekonomıkaǵa tikeleı sheteldik ınvestısııa tartý, memlekettik boryshtyń tómen deńgeıi, eleýli ulttyq rezervtermen nyǵaıtylǵan ornyqty syrtqy ustanym eskerildi.
AKRA 2021 jyly ekonomıkalyq ósýdiń 3,9%-ǵa deıin qalpyna kelýin kútedi.
AKRA baǵalaýy boıynsha, el ekonomıkasynyń ósý áleýeti joǵary jáne jylyna shamamen 4-4,5% quraıdy.
Sonymen qatar, turaqtylyq faktory retinde qoǵamdyq, memlekettik ınstıtýttar sapasyndaǵy oń dınamıka, adamı kapıtaldy turaqty arttyrý qaralady. Dúnıejúzilik bank pen BUU-nyń sońǵy baǵalaýyna sáıkes, Qazaqstannyń adamı kapıtal ındeksi Ortalyq Azııa elderi boıynsha ortasha deńgeıden asyp túsedi jáne sanaty boıynsha salystyrmaly elder toby reıtınginiń sheńberinde neǵurlym joǵary tur.
Aıta keteıik, AKRA Máskeýde 2015 jyldyń 20 qarashasynda Reseı Bankiniń sheshimimen quryldy. Quramynda «Raıffaızenbank», «Sberbank», «Alfa-Bank», «Gazprombank», «Moskovskaıa Bırja MMVB-RTS» syndy 27 reseılik kompanııa men qarjy ınstıtýttary bar.
