Álem • 05 Tamyz, 2021

Japonııada COVID-19 juqtyrý deregi kúrt kóbeıdi

220 ret

kórsetildi

1 mın

oqý úshin

Japonııanyń kóp aýdanynda koronavırýs juqtyrý deregi buryn-sońdy bolmaǵan qarqynmen ósip jatyr. Bul týraly ekonomıkany qalpyna keltirý mınıstri Iаsýtosı Nıshımýra málimdedi, dep habarlaıdy Egemen.kz.

Gaýhar QAPASh

Japonııada COVID-19 juqtyrý deregi kúrt kóbeıdi

Mınıstrdiń aıtýynsha, sońǵy aptalarda COVID-19 klasterleri buryn sırek kezdesetin dúken, shashtaraz jáne mektepterde kóbeıip jatyr.

«Eldiń kóp aýdanynda koronavırýs buryn-sońdy bolmaǵan qarqynmen ósip jatqanyn baıqaımyz. Eldiń astana aımaǵynda ǵana emes, Kansaı aımaǵy men Kantonyń soltústik aımaǵynan bastap, búkil el boıynsha jańa ınfeksııalar sany buryn-sońdy kórmegen qarqynmen ósti», dedi Nıshımýra.

Sondaı-aq, el bıligi koronovırýs ınfeksııasy Tokıoda rekord - 3865 dereke, Kanagavada - 1164 derek, Saıtamada - 864 derek jáne Chıbada - 506 derek tirkelgenin aıtty.

Ulttyq juqpaly aýrýlar ınstıtýty Úndistanda anyqtalǵan «delta» shtamy qazirgi ýaqytta Tokıo aımaǵyndaǵy ınfeksııanyń shamamen 70 paıyzy dep boljaǵan.

Juqpaly aýrýlar jónindegi sarapshylar eger vırýs qazirgi qarqynmen tarala berse, eki aptadan keıin Tokıoda kúnine 4500 jaǵdaı tirkelýi múmkin dep boljaıdy.

Aıta keteıik, vırýstyń ósýine baılanysty 2 tamyzdan bastap Saıtama, Chıba, Kanagava jáne Osaka prefektýralarynda tótenshe jaǵdaı rejımi engizildi, al Hokkaıdo, Ishıkava, Kıoto, Hego, Fýkýokada koronavırýspen kúresý úshin kúsheıtilgen sharalar rejımi 2 tamyzdan 31 tamyzǵa deıin engizildi. Tokıo men Okınavada tótenshe jaǵdaı rejımi 31 tamyzǵa deıin uzartyldy.