Prezıdenttiń 2020 jylǵy «Jańa jaǵdaıdaǵy Qazaqstan: is-qımyl kezeńi» atty Qazaqstan halqyna Joldaýyn, Qazaqstan Respýblıkasynyń 2025 jylǵa deıingi ulttyq damý josparynyń jalpyulttyq basymdyqtaryn, Nur Otan partııasynyń «О́zgerister joly: ár azamatqa laıyqty ómir!» saılaýaldy baǵdarlamasyn júzege asyrý maqsatynda Densaýlyq saqtaý mınıstrligi 2021-2025 jyldarǵa josparlanǵan «Salamatty ult» azamattarǵa arnalǵan sapaly ári qoljetimdi densaýlyq saqtaý júıesi» ulttyq jobasyn ázirledi.
Ulttyq joba 4 baǵyt jáne 8 mindetti qamtyp, 20 kórsetkish boıynsha 83 is-sharadan turady.
Birinshi baǵytta «qoljetimdi jáne sapaly medısınalyq kómek» aıasynda halyqty densaýlyq saqtaý qyzmetterimen keńinen qamtý, júkti áıelderdiń jáne balalardyń densaýlyǵyn saqtaýǵa arnalǵan mindetter belgilendi.
Ekinshi baǵytta «epıdemıologııalyq boljaý jáne qarsy áreket etýdiń zamanaýı júıesin qalyptastyrý» boıynsha ınfeksııalyq aýrýlardy epıdemııalyq qadaǵalaýdyń qazirgi zamanǵy modeline kóshý jáne halyqtyń zamanaýı, dáldigi joǵary zerthanalyq saraptamaǵa qoljetimdiligin keńeıtý usynylady.
«Otandyq óndiristegi qoljetimdi dárilik zattar men medısınalyq buıymdar» baǵyty boıynsha farmasevtıkalyq jáne medısınalyq ónerkásiptiń ǵylymı, kadrlyq áleýetin arttyrý, dárilik zattar men medısınalyq buıymdardyń otandyq óndirisin damytý josparlanǵan.
«Salamatty ómir saltyn ustanatyn halyqtyń úlesin arttyrý jáne buqaralyq sportty damytý» baǵyty boıynsha qoǵamnyń barlyq sanattaryn dene shynyqtyrýmen jáne buqaralyq sportpen shuǵyldanýǵa yntalandyrý, turǵyndardyń sport obektilerimen qamtylý deńgeıin arttyrý boıynsha naqty mindetter belgilendi.
M.Shoranov atap ótkendeı, «Salamatty ult» azamattarǵa arnalǵan sapaly ári qoljetimdi densaýlyq saqtaý júıesi» ulttyq jobasy halyq densaýlyǵyna oń yqpalyn tıgizetin eleýli nátıjelerge qol jetkizýge, ınfraqurylymdy jańartýǵa jáne birqatar júıeli máseleni sheshýge múmkindik beredi.
