О́ner • 06 Tamyz, 2021

Ulttyq qolóner halyqaralyq naryqqa shyǵady

214 ret kórsetildi

Qostanaı oblysynan 35 qolónershi halyqaralyq BornNomad kórme­sine qatysady. Olar qazir onlaın rejimde daıyndyqtan ótip jatyr. Odan keıin atalǵan kórmege elimizdiń ár óńirinen qatysatyn ózge sheber­lermen «Dástúr jáne mádenıet», «Innovasııalar», «Sheber shyǵarma­shyly­ǵyn­daǵy áıel beınesi», «Jas talanttar», «3D qolóneri» jáne «Shyǵar­mashylyq kollaborasııa» nomınasııalary boıynsha óner saıysyna túsedi.

Uıymdastyrýshylar baıqaý nátı­je­siniń qalaı bolatynyna qaramastan, is-sharaǵa qatysqan qolóner sheber­leriniń bári derlik týyndylaryn ha­lyqaralyq saý­da alańdaryna shy­ǵarýǵa jáne qol­ónerdi laıyqty tabys kózine aınaldyrý múmkindigine ıe bolatynyn aıtady.

– BornNomad AQSh-tyń Qazaq­standaǵy elshiligi men «Atameken» UKP-nyń birlesken jobasy. Ult­tyq mu­rany jańǵyrta otyryp, aýqymdy túrde nasıhattaýdy kóz­deıtin bul jo­ba Qazaqstannyń dás­túrli qolóneri men halyqtyq óne­riniń qazirgi zamanǵy ınterpretasııa­syn yntalandyrýǵa baǵyttalǵan. Jobaǵa Chevron jáne Exxon Mobil kompanııalary demeý­shi­lik etip otyr. Jeńimpazdardy AQSh pen Qazaqstannyń sarapshylary tań­­daıtyn bolady, – dedi Qostanaı oblystyq kásipkerler palatasynyń sarapshysy Sánııa Imentaeva.

Kórmege qatysýshylardyń ishinde bylǵary, toqyma, kıiz, aǵash jáne metalmen jumys isteıtin sheberler bar. Olardyń aıtýynsha, álemdik bedelge ıe aıtýly kórme ulttyq qolóner týyndylaryn halyqaralyq naryqqa shyǵarýǵa múmkindik beredi.

– Bizdiń óńirde qolóner óndirisi jaqsy damyp keledi. Alaıda sheber­lerdiń kóbi úıde jumys isteıtindikten, kóbine-kóp olardyń nasıhattalý jaǵy kemshin túsip jatyr. Al BornNomad jobasyna qatysqan árbir ismer, ıá usta, kez kelgen qolóner sheberi óziniń tól týyndysyn satyp qana qoımaı, kásibiniń aýqymyn ári qaraı keńeıtip, damytýǵa yntalanady, sondaı-aq bá­sekege qabiletti bolýdy úırenedi. Bul biz úshin óte qajet dúnıe. Máselen, meni qazirdiń ózinde fransýzǵa nemese ıs­pandyqqa, ıá bolmasa japondyqqa unaıtyn qandaı dúnıe usynýǵa bolady degen oı mazalaı bastady. Iаǵnı bul joba bizdi Wildberries jáne Amazon-ǵa shyǵarý arqyly halyqaralyq naryqqa baǵyttaıdy. Áý basta men bul baıqaýǵa bir ǵana ıdeıamen qatysqanmyn, biraq oqý-úırený barysynda múlde jańa bastamalar týyndap, tyń ıdeıalar kele bas­tady. Aldaǵy kórmede eki adam bolyp «Shyǵarmashylyq kollabo­rasııa» nomınasııasy boıynsha baq synap kórmekpiz. Men – avtormyn, áriptesim oryndaýshy bolady, – dedi Qostanaıdaǵy Qoloner qoǵamdyq qo­rynyń basshysy Sáýle Qabıdýlova.

Baıqaý jeńimpazdarynyń esimderi qyrkúıek aıynda ótetin aýqymdy qolóner festıvalinde belgili bolady.

 

Qostanaı oblysy

 

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Uqsas jańalyqtar