Elorda • 06 Tamyz, 2021

Nur-Sultanda áleýmettik turǵyn úı sany artty

97 ret kórsetildi

Nur-Sultan qalasynyń ákimi Altaı Kólginov Instagram paraqshasynda áleýmettik qoljetimdi turǵyn úı qurylysy jaıly jazdy, dep habarlaıdy Egemen.kz.

«Qala — tiri organızm ispettes, al ol tolyqqandy jumys isteýi úshin barlyq salany jetildirý qajet. Mysaly, turǵyn úı jáne basqa da nysandy salý kezinde úılerdi jylýmen, elektrmen jáne basqa da kommýnıkasııalarmen qamtamasyz etý kerek, al joldar, balabaqshalar, mektepter, medısınalyq mekemeler salý úshin ınjenerlik jeliler júrgizý qajet. Osy tujyrymdamaǵa sáıkes elorda aýdandary ortalyqtandyrylyp damyp keledi.

Qalany aralaý kezinde áleýmettik qoljetimdi turǵyn úı qurylysynyń barysymen tanystym. Elordanyń barlyq aýdanynda, sonyń ishinde eldi mekenderde jeńildikpen beriletin baspana salyp jatyrmyz. 

Búgin «Otaý» shaǵyn aýdanyna (Almaty aýdany, Metro mańaıy) bardym. Onda qoljetimdi jeńildikpen beriletin turǵyn úılerden turatyn shaǵyn aýdany bolady. Bul shaǵyn aýdanda kezekte turǵandarǵa (onyń ishinde otbasy bankinde kezekte turǵandar úshin) arnalǵan áleýmettik páterlerdiń jalpy sany 2 myńnan asady.

Shaǵyn aýdanda balabaqsha, mektep salýdy, sol sııaqty medısınalyq mekeme, demalys oryndaryn, azyq-túlik dúkenderin jáne t.b. qarastyrýdy tapsyrdym.

Sonymen qatar, aýmaqty abattandyrýǵa erekshe nazar aýdarý qajet: aýla aýmaqtary, joldar, kanalızasııa, avtobýs aıaldamalary, jaryqtandyrý. 

Bıyl Memleket basshysynyń tapsyrmasy boıynsha áleýmettik turǵyn úı sanyn arttyramyz. Mysaly, 2018 jyly 1800 áleýmettik páter salynǵan bolsa, bıyl bul kórsetkishti 10 myńǵa deıin jetkizemiz, sońǵy 3 jylda áleýmettik turǵyn úı sany 5 eseden asa artty. 

Sondaı-aq Elbasynyń bastamasymen qolǵa alynǵan «Jumys isteıtin jastarǵa jalǵa beriletin turǵyn úı» baǵdarlamasy bıyl da jalǵasady. Budan bólek, turǵyn úı sertıfıkatynyń somasyn 1 mln teńgeden 1,5 mln teńgege deıin ulǵaıttyq, Qazaqstandyq turǵyn úı kompanııasynyń (QIK) baǵdarlamasy boıynsha qatysýshylar sanatyn keńeıttik», dep jazdy qala ákimi.

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar