Búgin Atyraý oblysyna jumys sapary aıasynda Densaýlyq saqtaý vıse-mınıstri Ajar Ǵınııat oblystyq aýrýhananyń juqpaly aýrýlar bóliminde boldy.
Modýldik stasıonar 200 tósekke eseptelgen, biraq búgingi kúni ınfeksııalyq bólimshede 205 adam, onyń ishinde 105 júkti áıel em alyp jatyr.
Reanımasııada 25 pasıent bar, onyń úsheýi – aýyr haldegi júkti áıelder.
Aýrýhana 2020 jyly salynǵan. Nysanda taza aımaqqa, qoljetimdiligi shekteýli aımaqqa (jartylaı) jáne oqshaýlaý aımaǵyna bólý standarttary qoldanylady. Qyzmetkerler men pasıentterge arnalǵan dálizder kross-ınfeksııanyń aldyn alý úshin qatań rettelgen.
Modýldik ınfeksııalyq stasıonardyń búkil palatalary ottegimen tolyq qamtamasyz etilip, árbir pasıentke jetkizildi.
Aýrýhanada koronavırýs ınfeksııasymen aýyratyn naýqastardy emdeýge arnalǵan barlyq qajetti jabdyqtar men dári-dármek bar.
Ajar Ǵınııat óńirdegi jaǵdaı kúrdeli ekenin atap ótip, covid-19-ǵa qarsy kúreste aldyńǵy qatarda júrgen dárigerlerge rızashylyǵyn bildirdi.
