Medısına • 11 Tamyz, 2021

Pasıent mektebi nemese kún saıyn jarty saǵat «aǵash aralaý»

53 ret kórsetildi

Osydan 200 jyldaı buryn aǵylshyn dárigeri Ýılıam Geberden naýqastardy ońaltý úshin jarty jyl boıy kún saıyn keminde 30 mınýt aǵash kesýdi usynyp, keýdesinde aýyrý sezimi bar naýqastyń jaǵdaıynyń jaqsarǵanyn baqylaǵan eken. Rasynda, kúnine jasalǵan tek jarty saǵattyq shıraq dene qozǵalysy ınfarkt qaýpin, II tıpti dıabetti, gıpertonııany azaıtýǵa, dene salmaǵyn, uıqyny qalypqa keltirýge, emdelýge jatqyzǵan kezde ońaltý men saýyǵý merzimin qysqartýǵa múmkindik beredi.

Aıtpaǵymyz, qazirgi kúni Al­ma­­ty­daǵy Kardıologııa jáne ishki aýrýlar ǵylymı-zertteý ınstı­tý­tynyń Kardıologııa jáne ońal­tý bó­lim­she­sin­de qala jáne óńir­ler­den kelgen turǵyndarǵa maman­dan­dy­rylǵan kar­dıologııalyq jáne terapevtik me­dı­sınalyq kómek kórsetiledi. Ma­man­dar medısınalyq ońaltý múm­kin­diginshe erte bastalýy tıis ekenin aıtýdan tanbaıdy. Ońaltý is-sharalary stasıonarlyq kezeń aıaqtalǵannan keıin tolyq kólemde iske asyrylýy kerek.

Atalǵan ınstıtýttyń Basqarma tó­raǵasy, medısına ǵyly­my­nyń doktory, professor Roza Qýanyshbe­ko­vanyń aıtýynsha, Qazaqstannyń bar­lyq oblysynyń turǵyndary osy bólimshede ońaltý kómegin alady. Bular – Nur-Sultan, Almaty qala­larynan, Almaty, Aqtóbe, Aty­raý, Batys Qazaqstan, Jambyl, Qaraǵandy, Qostanaı, Qyzylorda, Mańǵystaý men Túrkistan oblystarynan keletin pasıentter.

Klınıka basshysy aıtyp ótkendeı, júrgiziletin kardıologııalyq ońaltý aýyr kardıologııalyq keselderge shal­­dyqqan, otadan turǵan pasıentter­ge kómek kórsetýge baǵyttalǵan is-sha­ra­lar keshenin quraıdy. Kar­dıo­logııalyq ońaltýǵa emdik dene shy­nyq­tyrý, mólsherlengen jaıaý júris, velotrenajerda jattyǵý, te­meki shegýden bas tartý, lıpıdterdiń salmaǵy men deń­geıin qalpyna keltirý, sondaı-aq kar­dıovaskýlıarlyq pato­lo­gııanyń qaýip faktorlaryn azaıtýǵa múmkindik be­re­tin psıhologııalyq qoldaý kiredi.

«Kardıologııalyq ońaltýda den­saý­lyqty saqtaý, qalpyna keltirý, dene qımylynyń belsendiligi, eńbekke jaramdylyq, áleýmettik jáne fızı­ka­lyq belsendiliginiń keńeıýin eske­re otyryp, júrek-qantamyr pato­lo­gııasynyń asqynýy men ór­shýiniń aldyn alýǵa arnalǵan dári-dár­mektik terapııany ońtaılandyrý, aýrý­dyń saldaryn joıý úshin naý­qastyń psı­ho­logııalyq jaǵdaıyn ret­teý se­kildi as­pektiler asa ma­ńyzdy», deıdi Roza Tohtanáliqyzy.

Kar­dıologııalyq ońaltýdaǵy ma­ńyzdy faktor – ınstıtýtta qu­rylǵan Pasıent mektebine pasıenttiń qa­ty­sýy. Densaýlyq mektepterinde tek qana bilim almaıdy, sonymen qatar adam ómirine qaýipti aýrýlardyń damýyna áser etetin qaýip faktorla­ry­nan arylý ádisterin oqytady. Pa­sıent­terde emdeý, turmysta jáne ju­mysta durys minez-qulyq kór­setý máselelerine oń kózqaras qa­lyp­ta­sa­dy.

Densaýlyqty, jumysqa qabi­let­ti­lik­ti jaqsartý, aýrýdyń asqynýynyń aldyn alý, pasıentterdi qoǵamnyń qalypty ómir súrý jaǵdaıyna birik­ti­rý boıynsha jumystar óziniń áserin beredi.

 

ALMATY

 

Sońǵy jańalyqtar

Jastar qalaýy – jarqyn keleshek

Referendým-2022 • Keshe

Referendýmdy qoldaýǵa úndeý jasady

Referendým-2022 • Keshe

Aǵa býynnyń aıtary bar

Referendým-2022 • Keshe

Áljannyń kise belbeýi

Tarıh • Keshe

Uqsas jańalyqtar