Qyzmetterdi QR Eńbek jáne halyqty áleýmettik qorǵaý mınıstrligi «Ulttyq aqparattyq tehnologııalar» AQ-men birlesip júzege asyrdy.
«Múgedektigi bar adamdardyń ómir súrý sapasyn arttyrý maqsatynda biz elektrondyq formatta kórsetiletin memlekettik qyzmetterdiń sanyn birtindep keńeıtip jatyrmyz. Jańa sıfrlyq sheshim erekshe qajettilikteri bar adamdarǵa úıden shyqpaı-aq onlaın rejımde úıde nemese medısınalyq-áleýmettik mekemelerde kútim kórsetý jaǵdaıynda arnaýly áleýmettik qyzmetter alý úshin qujattar resimdeýge múmkindik beredi. Paıdalanýshylar ózderine, balalaryna nemese qamqorlyǵyndaǵy balalarǵa qyzmet kórsetýge tapsyrys bere alady», dedi QR Eńbek jáne halyqty áleýmettik qorǵaý vıse-mınıstri Erbol Ospanov.
Qujattardy resimdeýge ótinim berý úshin elektrondyq úkimet portalynda tıisti qyzmetti tańdaý, suratylǵan aqparatty toltyrý, qujattardy tirkeý, ESQ nemese bir rettik parol arqyly suraý salýǵa qol qoıý qajet. Suraý salý sátti óńdelgen soń memlekettik organnan jeke kabınetke ótinimniń oryndalýy týraly habarlama keledi. Portalda qyzmet kórsetý merzimi úıde kútim kórsetý jaǵdaıynda kómek alǵysy keletin paıdalanýshylar úshin 14 jumys kúnin jáne paıdalanýshy medısınalyq-áleýmettik mekemelerde qyzmet kórsetýge ótinim berse 17 jumys kúnin quraıdy.
