Prezıdent • 11 Tamyz, 2021

Memleket basshysy Ulttyq bank tóraǵasynyń esebin tyńdady

70 ret kórsetildi

Memleket basshysyna bıylǵy 7 aıdaǵy aqsha-nesıe saıasatyn iske asyrýdyń aldyn ala qorytyndylary týraly esep berildi, dep habarlaıdy Egemen.kz.

Ulttyq bank tóraǵasy Prezıdentke koronavırýstyń jańa tolqynynyń taralýyna baılanysty Halyqaralyq valıýta qorynyń álemdik ekonomıkany qalpyna keltirý qarqyny men qarjy naryqtaryn túzetýge qatysty boljamdardy qaıta qaraǵany jóninde aqparat berdi.

Áńgimelesý barysynda álemdik ekonomıkany qalpyna keltirýde ınflıasııa men ınflıasııalyq boljamdar basty kedergi ekeni atap ótildi. Memleket basshysyna elimizdegi ınflıasııanyń jyldam ósý sebebi (2021 jylǵy shildedegi qorytyndy boıynsha – 8,4%) jáne ınflıasııany turaqtandyrý maqsatynda Ulttyq banktiń bazalyq mólsherlemeni (9,25%-ǵa deıin) kóterý týraly sheshimi jóninde málimet berildi.

Erbolat Dosaev karantındik shekteýler kezinde iskerlik belsendilikti birtindep qalpyna keltirý, Ulttyq banktiń altyn-valıýta qory men Ulttyq qordaǵy qarajattyń jaǵdaıy, sondaı-aq, zeınetaqy aktıvteri ósiminiń oń dınamıkasy týraly da baıandady. Prezıdentke tólem balansynyń aǵymdaǵy shoty týraly aıtyldy.

Aldyn ala málimetterge qaraǵanda, birinshi jartyjyldyqta ekonomıkalyq belsendiliktiń artýy men tutynýshylyq ımporttyń ósýi saldarynan 1,7 mıllıard AQSh dollary kóleminde tapshylyq qalyptasqan.

Áńgimelesý sońynda Qasym-Jomart Toqaev Ulttyq qordyń aktıvterin saqtaýǵa jáne arttyrýǵa erekshe nazar aýdaryp, Úkimetpen birlesip ınflıasııany turaqtandyrý boıynsha tıimdi sharalar qabyldaýdy tapsyrdy.

 

 

Sońǵy jańalyqtar

Erlan Qııasov jańa qyzmetke taǵaıyndaldy

Taǵaıyndaý • Búgin, 20:10

Tamyz aıyndaǵy UBT aıaqtaldy

Bilim • Búgin, 19:53

Baqyt Sultanov qyzmetinen bosatyldy

Qazaqstan • Búgin, 18:00

Dollar arzandady

Ekonomıka • Búgin, 16:42

Soltústik óńirlerde qant qymbattady

Aımaqtar • Búgin, 14:01

Uqsas jańalyqtar